عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم بنات
كل عام وانتوا واحبابكم بخير
بنتي الحين عمرها سنه وشهر ولما اتولدت كان صدرها متحجر والدكتور قلي عادي الهرمونات مرتفعه وبيروح لحاله
المهم لما صار عمرها 7 شهور نزل منها دم الله يعزكم لونه زي الدوره وجريت بيها عالمستشفى حولوها مسكينه لطبيبة نسا وولاده قامت ضحكت وقالت طبيعي هذا اسمه الطمث الصغير كانت هرموناتها مرتفعه ولما نزلت هرموناتها نزلت الدوره وتجي مرة بالعمر وتجيها تاني لما تبلغ وهي كبيرة ووديتها لدكتورة ثانيه وقالت نفس الكلام
المهم ليلة العيد نزل عليها دم مرة ثانيه بس اقل من اول ووقف تاني يوم ولما قلت لزوجي قلي ايش بيقولولك بيقولوا هرمونات زي اول
واصلا البنت فيها حرارة وتعبانه مرة وبتاخذ مضاد وقلت اوديها بعد العيد تكون طابت من الحرارة ان شاء الله وبعدين محد بيطالعها لو رحت بيطالعوا للحالات الطارئة ومحد فايقلي ليلة العيد
بنات مرة قلقانه عليها خصوصا انه جاها وعمرها سبع شهور وانا اللي اعرفه انه يجي في الايام الاولى بعد الولاده والاخص من كدا انه اتكرر
مين عندها فكرة عن الموضوع جزاكم الله خير
عن yasmine shrief
شاهد أيضاً
هل تعرفي أم عندها …” توأم ” ؟؟؟ تعالى قولي لنا كيف رتبت حياتها معاهم ؟؟
السلام عليكم ورحمة الله وبركاته أخواتي الغاليات نبغى منكم قصص عن أي أحد تعرفوه ..امهات …