عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير
كيفكم ياحلوات .. 
حبيت ابشركم بكرا موعد ولدي حمودي بنفك الجهاز وبيرتاح ان شاء الله وبعدين راح يلبسه الى 4 سنين بس وقت النوم
بعد عمري عانى جته بسبب الجهاز تقرحات باسفل القدم واحيانا لو بفك الجهاز علشان احممه القى برجله زي الحرق بسبب الجهاز لانه يلبسه 24 ساعة
((للي مايدري عن حالة حمودي ))
هو من اول ماولدته وفيه حنف القدم >>> رجلينه مايله بس القدم
بس طول ماكنت حامل ماكنت ادري
وحددو لي موعد بالمستشفى على انه يباشرون معاه العلاج بعد ولادته على طول
وبما اني ولدته قبل عيد الاضحى حددو لي موعد بعد العيد على طول علشان يبدون معاه بجلسات الجبس
وكل اسبوع جلسة .. كنت اروح معاه ويتقطع قلبي عليه لانهم يحاولون يعكفون القدم ويطلعونها لبرا
وكل اسبوع على هالحال
طبعا كانت عدد الجلسات 6 جلسات جبس
وبعدها قررو له عملية قطع وترد الكاحل وهي عبارة عن وخز بالابر علشان يقطعون فيها الوتر
حياتي… تالم مرررره وماقدر ينام ذاك اليوم من الالم
لا وفوق كل هالالم حطو له جبس وثقلوه عليه وهذا كان اخر جبس وجلس عليه 3 اسابيع
((معاناته بالجبس كانت من ذي الحجة الى نهاية صفر))
بعدها حددو له موعد في بداية شهر ربيع الاول على انه نركب له الجهاز وهو عبارة عن جزم وانتو بكرامه ومثبته بحديده ومايله لـ45 درجة لبراا
وجلس عليها 4 شهور وبكرا ان شاء الله موعده وبيرتاح حمودي من هم الجهاز
لو تشوفونه كيف يتقلب وهو لابس الجهاز يكسر الخاطر >>> يتقلب ويتوهق بعدها ..
بس الحمد لله هانت وما بقى شي 
بس ان شاء الله مايصير معانا شي بكراا
والله يكتب لنا وله اللي فيه الخير
ولكم خالص تحياتي
… وكأنني لم أكن
***********************
حبيباتي ابشركم رحت الموعد اليوم والحمدلله
فكينا الجهاز
والدكتور قال باين انكم مواضبين ع الجهاز والحمدلله
ان شاء الله لو تم مواضب كلها سنتين ونخلص من هم الجهاز
بس لازم يلبسها وقت النوم
الحمد لله يارب
جد جد فرحانه
الله لايخيب لي تعب ولا كل عبد مسلم..
