تجاربنا عن التلقيح المجهري

مرحبا يابنات انا بشوف كتير بالمنتدى عن مواضيع بتتناول المقبلات على اطفال الانابيب او التلقيح المجهري بس تعالو نحكي عن تجاربنا يلي صارت وخلصت وتعالو نحكي كم مرة عملنا العملية ووين وكم كلفت وليش عملناها تعالو نحكي بالتفصيل
خلونا نفضفض لبعض ونحكي عن كل حاجة
وانا رح ابأ مني
انا عملت تلقيح مجهري 4 مرات
اول مرة بسوريا وكلفتني قرابة ال13 الف وهالحكي من 7 سنين نسيت قول انا متزوجة من 9 سنوات والمشكلة من زوجي ضعف في عدد الحيوانات المنوية والحمدلله العملية فشلت مع انو كنت كتير متفائلة بماانو كان عمري 23 سنة يعني كنت صغيرة
والمرة التانية بجدة بمستشفى بخش عند الدكتور مجدي الشيخ وكمان كنت متفائلة كتير وكل دكتور كنت رحلو كلان يقلي انو نسبة النجاح عندك اكتر من غيرك لأنو عمري لسه صغير وكمان هالمرة العملية فشلت
ورجعت عدت التجربة مرة تانية عند الكتور مجدي الشيخ بعد شهرين وهالمرة رجعولي الاجنة من السرة وكمان كنت كتير متفائلة بماانو طريقة جدية بس للأسف كمان فشلت
وطبعا النفسية متل الزفت قد ماكان حدا قريب مني بس ماكان حدا يعرف او يفهم انا شو كنت حس بوقت التحليل لما يطلع
كنت بعد ماابني قصور بالهوى اصحى على الحقيقة المرة
انو تعذبنا انا وزوجي كل هالعذاب وتعبنا وصرفنا فلوس وكلو على الفاضي طلعنا من التجربة بي بخيبة الامل والحزن المرير
المهم تخطينا المرحلة ورجعنا اتحلينا بالأمل وبرحمة الله وعدنا التجربة للمرة الرابعة كمان بمستشفى بخش وعندالدكتور مجدي لأنو زوجي سحبو منو عينةوالعينة مجمدة عندهم
كمان المحاولة الرابعة فشلتوهالشي من سنة 2007
ولحد الآن انا كتير خايفة انو عيد التجربة للمرة الخامسة وصرلي 4 سنين نفسي بطفل بس كتير خايفة من الفشل ومحتارة كتير وين ممكن عيدها بجدة
زوجي بيقلي انو نروح لنفس المستشفى وعند نفس الدكتور لانو كتير في ناس عبتمدح منو وانو دكتور شاطر وانا مابعرف شو اعمل بدي عيدها بعد رمضان ولهلأ ماقررت وين بدي روح واذا رح اقدر عيدها ولا لأ انا طولت عليكن
ياريت يابنات تدخلو وتحكو عن تجاربكن منفضفض لبعض ومنستفيد انا بعرف انو بس انتو يلي ممكن تفهموني لأنو عندكن نفس تجربتي