دعواتكم لعروستي

السلام عليكم ورحمة الله وبركاته
كيف حالكم يا( خواتي)
والله مالقيت سوى هالكلمة تعبر وانتو اول من خطر في بالي
يا خواتي انا امس كان في موعد عند دكتورة الأطفال اللي اتابع معاها لبنتي ورد
الله يحفظها ولا يريني فيها بئسا يارب العالمين
اللهم آمين
المهم اول ما بدت تفحصها سألتني عن زراق خفيف حول فمها انا ما اشوفه دايم وما انتبهت له غير لما سألتني عنه بالزياره الأولى لما كان عمرها شهرين وقلتلها اني اول مرة اشوفه
المهم امس لما رحت للموعد برضوا لفت انتبهاها وقالت لا قدر الله هذا الشي يدل على مشاكل بالقلب
وسألتني بعض الأسئله اذا هي ترضع طبيعي او لأ
اذا تعاني من ضيق بالتنفس او لأ
والحمدلله مافيها هالأعراض
وهي سمعت نبض القلب وكان منتظم وتطمنت قالت لو فيه مشاكل على طول بيبان بعدم انتظام ضربات القلب
المهم قالت لي للإطمئنان روحي سوي اشعه لصدرها وارجعيلي
المهم رحت سويت الصورة ولإنه كان جمعه الهندي اللي سوالها الصورة ما كان رايق طبعا واخذ الصورة على عجل وكانت تتحرك شوي
المهم طلعنا الصورة للدكتورة تقول شكله استعجل بالصورة لإنها مو واضحه مرة لكن شاكة بإن قلب البنت حجمه كبير شوي
بس لا تاخذي بكلامي لإن الصورة موواضحه ومن هالكلام
انا مو عارفه هي قالت هالشي علشان تخفف عني وما تبيني انصدم والا ايش بالضبط
قالت لي خوذي موعد عند دكتور وليد المنيع يجيهم بس يوم الخميس 3 ساعات
وخله يطلب صورة ثانيه وهو يقرر ويقولكم
وهالشي للإطمئنان مو اكثر حسب كلامها
انا من امس وذبحني التفكير وصرت اوسوس بأي شي تسويه وكل شوي اناظر حول فمها
صرت احسها ان لها صوت نفس وهي ترضع اقول هي كذا تلهث والا تتنفس
مو عارفه
ياليت تقولولي عيالكم وقت الرضاعه يطلعو صوت نفس طبيعي والا مافي صوت وهم يرضعو
وفيه سؤال الحين تشوهات القلب ما كانت تبان وقت مراجعات الحمل بالألتراساوند؟؟؟
الله يبلغكم بعيالكم ويقر عيونكم فيهم يارب
ادعوا لبنتي ان ربي يسلمها من كل شر ويسلمها من تشوهات القلب
وان يقر عيني فيها وهي كاملة الصحه والعافيه
وان لا يريني فيها بئسا يارب العالمين
اللهم آمين
الطلب الأخير فيه احد سمع عن دكتور وليد المنيع هو استشاري قلبيه اطفال
بمستشفى العسكري؟؟؟
انتظركم
ارجوكم ارفعو الموضوع بدعوه لحد ما يجي الخميس الجاي وربي يطمن قلبي وقلب ابوها عليها
اللهم لك الحمد حتى ترضى ولك الحمد اذا رضيت ولك الحمد بعد الرضا