الضيقه تفتت صدري ..!!!

طبعا اني لي سنتين متخرجه من الكليه وماحصلت وظيفه ولاتزوجت..
طوال هالسنتين ابد ماحسيت بالطفش ولا شئ بالعكس مستانسه والحمدلله..
والسبب في وناستي بعد الله صديقتي المقربه..
طبعا انا وياها نفس الظروف تخرجنا ولا وظايف ولا زواج..
بس مستانسات مع بعض ومانحس بنقص في اي شئ..
طبعا لما تخرجنا سافرت مع اهلها مدينه ثانيه..
بس ابد مانحس بغياب بعض كل يوم نكلم بعض اكثر من ثلاث مرات اعرف تفاصيل حياتها متى تنام متى تصحى اش اكلت وين راحت كــــــــــل شئ عنها اعرفه..
وهي بعد نفس الشئ تعرف ادق التفاصيل بحياتي ..
وبس نروح لمدينتها او هي تجئ لمنطقتنا مياشره نزور بعض وننبسط ونستانس..
مااااااااااااتتخيلون قد ايش صحبتنا مع بعض من جد احبها واعزها ومااتخيل حياتي لحظه بدونها…

لحد هنا الوضع حلو…
بس ايام العيد انشغلنا بسبب الروحات والجيات ومافضينا نكلم بعض وبعد العيد بكذا يوم رجعت تكلمني..
تفأجأت فيها تقولي انها انخطبت ووافقت واليوم راحتكون النظره الشرعيه لها ..!!!!

انا سكت ماني قادره استوعب اللي تقوله كذا بهذي السرعه؟؟ وبدون مااعرف؟؟؟
باركت لها وقفلت منها..
ومن وقتها وانا احس بحزن فضييييييييع..
لاتفهموني خطأ..!!
وربي فرحت لها من كل قلبي وادعي الله ان يتمم لها على خير..

بس احس ان حياتي انتهت بعدها..
طوال الوقت بس ابكي احس بضييييييييييقه فضيعه مااقدر اتكلم معاها ولا اقول لها شئ مابغى اخرب فرحتها وبنفس الوقت ماني قادرة اتحمل اكثر
تعودت اكلمها كل يوم وكل وقت بس هي اللحين مشغوله تتجهز لملكتها اللي راح تكون بعد ايام؟؟
وصارت تكلمني بسرعه وتقفل ماعندها وقت لي ابد..
عارفه ان هذا الشئ من حقها واعرف انها راح تتزوج بيوم بس وربي غصب عني احس بحزن وضيقه تفتت صدري..
ماعاد لي نفس اتكلم مع احد ولا اكل ولا اششرب اهلي مستغربين من حالي بس مو بيدي..
احس بالوحده والفراغ
احس بمعاناه فيييعه احس حياتي حلوة بوجودها فيها الحين..
بس اذا تزوجت وانشغلت بزوجها وحياتها انا من راح يصير لي بعد الله؟؟
مع مين اسولف او اتكلم او اشكي حالي؟؟

تكفوووون يابنات اعطوني رايكم كيف اتصرف وكيف اخرج من هذي الحاله..
احس خطوات تفصلني عن الجنون اذا استمريت بهذا الحال اقارن حياتي قبل وبعد..!!

ادعوا لي ربي يهونها علي ويفرجها من عنده
باانتظار رايكم ونصايحكم..

ودي,