عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا فراشات
ابشركم ولدت من عشرين يوم تقريبا وجبت احلى بنوتة والحمد لله 😆 😉
ولدت بعملية وهاذي ثالث عملية الي وتعبت فيها كثير لان مافي فرق بين اولادي وما رتحت بينهم والجرح التهب عليي والحمد لله بعد اسبوع من العملية وخف شوي بس لسى ما شفيت تماما الى الان دعواتكم لي بالشفاء
خصوصا لاني بالغربة واولادي صغار ومافي حدا جنبي غير زوجي الله يعين والحمد لله يااا رب على نعمة الحمل والولادة
طبعا طلبت بنج نصفي وقت ولادتي
بس تعبت كتير اكتر من اولادي السابقين مدري ليش يمكن لان البنج كان مش كويس وانفك عني البنج بعد ساعة ونصف من العملية ووحسيت بوجع فظيع جدا جدا ولا هديت عالمسكنات
بس كنت اهدا لما اذكر ربي وشوف البنوتة الامورة الي جبتها
الحمد لله الله يكتب الاجر يا رب
تعبت كتير اثناء العملية واستفرغت برغم كنت صايمة بس لانهم تاخرو لاعطوني ابرة الاستفراغ 😉
اي استفسار من الفراشات انا جاهزة لاني خبرة ثلاث اولاد قيصرية ما شاء الله
ونصيحتي لأي حامل وخصوصا البكريات اذا كنتي بتقدري تولدي طبيعي وكل شي عندك تمام لا تتخوفي من الطبيعي وتطلبي القيصرية
لان وجع القيصرية بعد العملية وجع موت وما تقدري تمشي ولا ترفعي رجولك ولا تضحكي او تعطسي او تكحي او ترضعي البيبي من الوجع 😆 🙂 😐
الله لا يبلا حدا بالقيصرية
الله ييسر لكل الحوامل ولادة طبيعية يااا رب وتسهلها عليهم….
