عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا يا امهات اكيد كلكم تعانو مع اطفالكم كل ليله نفس الحرب على النوم بكا وصراخ واعذار مالها داعي اللي عطشان واللي حمام واللي خايف واللي حران والخ الخ الخ يعني بس يبغوكي جنبهم او يجلسو معاكم بالصاله,,
المهمم الحل عندي وعلى فكره الحركه هدي جبتها من قناه ام بي سي 4 برنامج (سوبر ناني) اللي يجيبوها تربي عيال الناس خخخ المهم السر في انك تخلي اولادك ينامو من اول مره وبدون انهم يطفشوكي بخطوات بسيطه بس هااااااا لاتقولو من اول اسبوع ماضبطت وتبطلي,, ترى الحركه حتاخذ وقت يعني حسب ولدك وشخصيته ممكن اسبوع ممكن توصل 3 اسابيع, بس لاتقولي يووووه اجل اش الفايده, يعني انتي اتحملي الفتره هذي 3 اسابيع ولا تجلسي تعاني حتى يكبرو ؟ اكيد تصبري المهمممم لازم تطبقي اللي اقولك عليه بدون زياده او نقصااان عشان لو نقصتي او زودتي وماضبط تقولي مانفع معاهم ترى بالتي في شفت الأم وكيف ملت وجلست تبكي ونبهتها الناني انها تتحمل وبالأخير صارو ينامو من اول مره ما شالله…
ادري طولت عليكم بس حبيت انبهكم لحاجات عشان تشوفو النتيجه ان شالله
الطريقه:
الخطوه الأولى:
قوليلهم يلا هذا وقت النوم ياحبايبي او ياكتاكيت (اي دلع تدلعيه عيالك) ولبسيهم البيجامات ويغسلو اسنانهم ويروحو الحمام الله يكرمكم وشربوهم مويا ويلا على الغرفه حطي كل واحد في سريره وغطيه وبوسيه او اقراي قصه اذا كنتي من النوع اللي يقرا لأطفالهم,,يعني القصه اضافه مو شرط بالخطه, بعدين قوليلهم تصبحو على خير واطلعي من الغرفه,,,
(طبعا يعتمد اذا كنتي تطفي النور وتشغلي لهم اباجوره او تتركي الباب مفتوح طبعا هدا راجعلك كيف انتي وعيالك تحبو)
الخطوه الثانيه:
طلعو لك من الغرفه او جلسو يلعبو في الغرفه او يقولو اعذارهم الحمام ولا المويا , رجعيهم السرير وقوليلهم (يلا هذا وقت النوم)…
قولي هدي الكلمه مرررررره وحده بسسسسس بصوت حازم مو عالي يعني لا تهزأيهم,, لاتزودي ولا تنقصي في الكلمه ولا تدلعي ولا تبوسي ابدا ولا تبتسمي
الخطوه الثالثه:
اتكرر طبعا نفس الشي طلعو والخ وصراخ,,, شيليهم وعلى السرير وغطيهم والمره هذيي بدون ايييي صوت ولا صياح ولا كلمه ولا نامو ولا ترى اقول لبابا ولا ازهم البعبع ولااااا شيييي شيلي وحطي وغطي واطلعي من الغرفه,,,
الخطوه الرابعه والخامسه والسادسه والسابعه والييييين ان شاللله 3 ساعات كرري نفس الخطوه الأخيره شيلي وغطي واطلعي بدون كلام وكررررييي اليييين هم حيطفشو ويملو وينعسو وينامو ويقولو هذي مافيها فايده خلينا ننام احسن,, كدا حيتعودو كل يوم انه مهما سووا ماحيصير اللي يبغوه وفي الآخير حينامو من اول مرررررره بعد مرور اسبوع او اسبوعين,, يعني مساله تعود اصبري عليها,,, نفس فكره البيبي اذا كل مره يبكي جيتي تشيليه حيعرف انه لما يبكي حتشيليه بس لو ماتشيله كل مره يبكي فيها حيعرف انه مو هدا لسبب اللي يخليك تشيليه فيسكت,, مع انهم اطفال بس يفهموا,, على ايش تعوديهم هم يمشو يعني تقدري انتي تتحكمي فيهم موهم يتحكمو فيكي,,
وبالخطوات اللي قلتها كدا اولادك حينامو بسرعه وحتلاقي وقت لنفسك ولزوجك تروقي من بدري بدال الجري والمضاربه وراهم كل ليله عشان يناموو,, ارجوكم اذا انتو جادين في الموضوع هدا اصبروووو واتحملي الأسابيع بس حترتاحي في النهايه,,, ويلا قولولي بعدين اش صار معاكم,,,
