عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحم الرحيم
السلام عليكم والرحمه…
انا هده اول مشاركه ليه في المنتدى وهادي الفكره جاتني من خيالي بس فيها كثير من مواقف حقيقه مريت فيها من مشاكل وهبالة البنات,وقلت خليني اكتبها ممكن تعجبكم وانشاء الله تعجبكم….
وهي تحكي عن شلة بنات وكل وحدة كيف تصرفها مع صديقاتها ومع اهلها وايش تواجه مشاكل ,,وحيكون كل يوم احط صفحه اوصفحتين من حياة البنات……عشان كدا انا سميته(يوميات)ونبدأ باسم الله……..
اروى:سوريا و(اتيكيت الشله).
روان:مدلعه,وحيدة امها(دلوعة الشله)
قمر:عقلانيه(مخ الشله)
هناء:الفكاهيه و(دبة الشله )
ارجوان:حلوه بس تصرفاتها رجاليه,لانها عايشه مع اولاد(رجال الشله)
سمر:هي الي تحط الخطط (زعيمة الشله)
الصباح الكل نايم نومة العسل..مين قطع نوم الكل وبدات البنات(المدررررررررررررسه)..
الصباح وقبل الطوابير:….
روان بدلع من التعب:ياربي.
سمر كانت الي تكتب واجب الرياضيات :بنات الي ما حل الواجب يحلو والله الابله اليوم متوعدتلنا.
ارجوان بصوت رجالي وطفشانه:وهي متى ما اتوعدتلنا,,, وبصوت حقود وعالي:بس انا اوريها اليوم ان ما خليتها تعرف مين ارجوان.
اروى بنعومه:ياالله عليكي من وين جايبه هيدا الصوت..
هناء بعفويه وكانت تاكل حلاوه مصاص:من ابوهاااا.
البنات :ضحكووووووووووووا
دق الجرس:تررررررررررررررررررررررررررررررررررررررررررر رررررررر.
جات المراقبه(اسمها ابله حصه وهي طويله ومستلفها صوتها من اخوها ,لانو صوتها شي موطبيعي حاد وقوي ومايل للرجالي):يالللللللللللللللللللله بنااااااااااات ما سمعتوا يعني .
وشلتنا ماكانو منتبهين لها .لانهم كانوا جالسين اخر الساحهوكل البنات الي في الساحه قاموا الى هما كانوا يفكوا سواليف الخميس والاربعاء…
قمر:بنات ما كأنوا البنات كلهم قاموا… .شكلو طوابير واحنا ما ندري
سمرطالعت وراها وشافت البنات الي واقفين وهي ماتحس صكت الدفتر::من جد والله يلا لانأخد تهزيئه من صباح ربي …
وماكملت كلامها سمر…
الى جات ابله حصه بصوته الحاد القوي :وانتوا تبغوا احد يعزمكم على الطابور..
البنات قاموا كل وحده من غير شعورها وهما خايفين الى روان كانت مبلهه وتنحه وتطالع في الصوت القوي الي طالع من هادي الابله الطويله وفرصعت عيونها وقالت:اووف.
ارجوان انتبهت لروان وقالت بصوت واطي :لا تتاملي فيها عشان لا يجيكي ولد زيها.
روان :ابتسمت.
مشي الطابور على( العادة) كل شئ روتيني وممل واداعه مالها داعي…..
الحصه الاولى كانت Eوعدت بسلام عشان البنات كانوا مكسلين على الصباح.
الحصه الثانيه كانت (حصة الرعب)….
ليش حصة الرعب ؟؟وايش كانت المادة؟؟؟وليش البنات سموها حصة الرعب؟؟؟
وايش ناويه ارجوان على ابلة الرياضيات؟؟؟
لاتفوتكم الخطط الي تحطها سمر ؟؟
والمواقف الي تفطس من الضحك ومواقف تحير مع صديقانتنا وحتتعرفوا عليهم اكثر:::::::::::::::::::::::::::::::
ردددددددوووووووووودددددددددكككككككككككككمممممممممم ..ياحلوين.(عشان اكمل)
