مشكتي مع حماي

بقولكم مشكلتي يافراشات وان شاء الله تساعدوني بعد الله في حل لها

ببتدي من اول المشكله علشان تفهمونها

انا ساكنه في شقه مع زوجي في مدينه غير اللي موجودين فيها اهلي واهله

اوك . ومن سنه تقريبا جاء لزوجي سفرة عمل لمدة 5 شهور تقريبا ونزلني بيت اهلي

وقام عطى مفتاح الشقه حماي هو كان يشتغل بنفس المدينه اللي فيها شقتنا بس كان في شقه ساكن في شقه عزاب وقال بدل ما تبقى الشقه فاضيه 5 شهور خل يسكن فيها واذا رجعنا يطلع ويروح يأجر شقه من جديد

المهم عدة الـ 5 شهور على خير وبعد ما رجع زوجي كان ورجعنا شقتنا واخذنا شهر وشهرين وثلاث

وانتظر حماي يطلع لكن لا حياة لمن تنادي مو حاس ابد ولا مفكر شكله يطلع ابد وزوجي مستحي يقوله اطلع من البيت طبعا لأن اخوة

بس انا الحين اللي مبتلشه فيه صار له معنا الحين فوق 9 الشهور

احس بطفش ومو قادرة اخذ راحتي بالبيت ابد واحسه كأنه جاسوس علينا لأن كم مرة اخبارنا توصل لأهل زوجي من غير ما نخبرهم

ولا ازيد من كذا يوم احنا سافرنا نتمشى اهل زوجي راحوا كلهم شقتي من غير استأذان مني او من زوجي

يعني ادري ان بيت ولدهم بيتهم بس على الأقل يستأذنون ➡

انا ودي اقولهم بس خايفه تصير مشاكل بيني وبينهم

والحين بناخذ ان شاء الله شقه تمليك وبننقل فيها واهل زوجي جالسين يسولفون ان كيف حماي بينقل معنا

يعني بدل ما يقلون له خذ شقه لا يبونه ينقل معنا

كل يوم افكر يالسالفه ولا يجيني نوم ابغى طريقه توصل لهم اني ما ابغى حماي ينقل معنا بس بدون ما يكرهوني