عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم جميعا..
كيفكم ان شاء الله كلكم باحسن حال..
الموضوع ومافيه…….. 😆 hy:
ان شاء الله مسافرة ماليزيا بعد 3 اسابيع تقريبا..بسبب عمل لزوجي وقلنا نطولها يسير نروح قبل عمله ويخلص عمله ونقعد كمان كم يوم ونرجع..
المهممممممممممم الزبدة..
عندي بنت عمرها 9 شهور..سبق وسافرت سويسرا قبل شهرين وسبتها اسبوع ونص عند اهل زوجي
وكتير كنت زعلانة بس المهم انبسطت.. ❗
ودحين في سفرتي هادي..عين في الشحمة وعين في اللحمة زي مايقولو نفسي اروح واعمل تجديد هني مون وخصوصا واني من يوم اتزوجت كان نفسي في سفرة ماليزيا..:)
يعني….نفسي اخد بنتي معايا عشان ماتجيني لحظات اكتئاب ونفس الوقت اقول لساتها صغيرة ماراح تفهم يعني تتعبني واتعبها وماراح ننبسط:P
يعني الواحد في اول حياته يروح ويفل ومايخلي شي في قلبه عشان لمن يجووه كمان اطفال اكيد ماراح يسافر الا وهو اخدهم
بس المشكلة اني لو اخدتها 1- ازمة الرحلة الطويلة المتعبة وخصوصا درجة ضيافة ماادري كيف حيكون الوضع اتوقعه ازمة
2-اكلها زي الخضار المهروسة والرز وكدا كيف اطبخ لها هناك ومافي مطبخ؟ 😡
3-مااقدر العب العاب او ادخل سينما؟؟ 😆 idea:
غير كدا حوووسة وقت الخروج البسها ويالله الله يكرمكم وسخت ولا كدا وحووووسة ➡
بس مالي نفس اسيبها لسبب واحد.. اقعد متوترة ايش بتسوي ايش بتعمل..او انه مثلا يوم عند اهلي ويوم عند اهل زوجي فالشي دا يضايقني مااحب انها كل يوم تخرج منبيت وتروح بيت اتنرفز من الموضوع دا مدري ليه وكمان مشكلة مابدي ازعل احد.. 😥
ياربي ميتة من الحيرة قلت بدي اصلي خيرة واخد رايكم في الموضوع دا اكيد عندكم خلفية عنه..:P
لاتقصروووا بليززززززززززز;)
