عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هااي كيفكم
ان شاء الله تمام
بصراحه انا قررت اعرض عليكم مشكلتي
لأني ابغى اسمع رأيكم في هذا الموضوع وتقولون لي وش اسوي
مشكلتي هي وحده اسمها نجلاء
كنت انا وياها في نفس الفصل وكنت اموت فيها و هي بعد تحبني
لما رحنا للمتوسط كل واحده منا صارت في فصل هي حاولت تنقل
بس ماقدرت فصار الموضوع عاادي كنت اقعد معها في الفسحة والطلعه بس يوم عن يوم بدينا نبعد عن بعض اكثر واكثر انا صادقت بنت جديدة وهي بعد صادقت بنات في فصلها. ولين جاء اليوم اللي صرنا مانتكلم بتاتا ابدا ابدا جتني وحده من البنات وقالتلي ان نجلاء قايله عني كلام قوي مره قايله تدرون ان فلانه يعني انا مالي اصل ولا فصل وووو بصراحه اول ماقالوا لي هذا الكلام انهرت وقمت اصيح ماقدرت اتحمل ومن ذاك اليوم وانا كارهتها ومااطيق اشوف وجهها هي اعترفت لبنات انها قايلته يعني مو كذب انا كان ودي اروح لها واهزئها بس ماقدرت يمكن لضعف في الشخصية أو اني مااقدر ماادري ليه .
الحين انا وياها كل وحده تغاير الثانية وتثبت لها اني عندي صديقات اكثر منك و مااحتاجك وماتهميني وكذا .
انا اعترف اني احيانا اغار منها ودايم افكر فيها واتمنى لو اعرف هي تفكر فيني مثل ماانا افكر فيها وتغار مني أو لا كأننا بزران عن جد .
مره فتحت علبه رسايلي ولقيت رسايل منها كانت كاتبه ان شاء الله نبقى مع بعض طول العمر ونروح الجامعه سوا ووووو اشياء كثير
ولقيت رسالة مكتوب فيها انا اموت فيك ماقدرت اتحمل وقعدت اتذكر ايامنا اول وكيف كنت اشتاقلها واموت فيها .
الحين البنات اللي معي يظنون اني اكرها هم يعرفون بالسالفة بس انا من داخلي ادري اني مازلت احبها
اول كنا دايم نتزاعل وانا اراضيها يمكن لأني انا اللي زاعلتها تعرفون البزران وحركاتهم حتى اني مره زاعلت وحده ثانيه راحت لها نجلاء وقالت لها لا تهمك فلانه يعني انا هي تزاعل وترضى بنفسها انا ندمانه اني كنت اسوي ذا الحركات.
انا في السنه اللي راحت الترم الاول ارسلت لها رسالة كنت كاتبه فيها قهر ماكنت انا ادري تعيش بقلبي كذابه ……..
وكاتبه لها انه ماله داعي تقولين كلام على الناس وووو
تتوقعون وش كانت ردة فعلتها ؟؟؟؟؟؟؟؟؟
شققت الورقة قدام البنت اللي كنت مرسلتها تعطيها اياها
تخيلوا ماكلفت نفسها تقراها حتى !!!!!!!!!!
لأنها مني انا الحين احس انها تحسبها مصالحة او شي زي كذا
الحين احنا مثل اللي مايعرفون بعض نمر ولا نظرة استحقار حتى ولاشي ولاشي
امانه عليكم
انا ناويه افتح صفحه جديده مع الجميع ونجلاء عائقي الاول والاصعب امانه ساعدوني قبل ماتبدأ المدرسة
واذا كنتم بتقولون سامحيها كيف قولوا كل شي عندكم تكفون
ساعدوني ساعدوني مليت !!!!!!!!!
راح ادعي للي ترد من كل قلبي
الاخت المحبة
