طفلي طاح عالارض..هايفه مرة ساعدوني يا امهات الله يخليكم

السلام عليكم ورحمة الله وبركاته
كيفكم يا بنات اخباركم
ماطول عليكم ببدا بالموضوع على طول
ابني لساته بيبي عمره 7 شهور
امس كنت حاطته على السرير تبعنا
و انا طول عمري بنتهله ماخليه بروحه ابد
المهم هيا يمكن ثانتيني بس او ال لفيت عشان اجيبله الرضاعه الا وطايح عالارض:)
و احنا الارضيه حقتنا خشب
المهم هو بالاول سكت ثانتين وبعدين بكى تقريبا 5 دقايق و نام على طول
بس انا مرة خفت رحت وديته دكتور على طول وطبعا ماقلت حق ابوه عشان هو يرمي اللوم كله 😆 idea:علي و مرة يخاف على ولده اكثر من الازم
المهم الدكتور شافه و جرب يلعبه ويضحكه وماكان في شي الحمد لله
بس قالي لو تقيء او صارله صداع او لاحظتي شي غريب في تصرفاته بلغيني
المهم امس كله كان وضعه عادي
اليوم بالليل قبل شوي
احس انه الولد صار مرة نشط ويسوي حركات غريبه مادري هل هذا بسبب الوقعه 😥
والي خوفني اكثر انه زوجي قالي احس انه في شي غريب يعني حركاته صايرة سريعه
مع العلم هو يضحك وياكل وكله عادي
بس يتعرق احيانا من فروة راسه ورقبته من تحت 😆 hy:
الله يخليكم يا بنات ادري اني طولت عليكم
بس رجيتكم الي مرت بنفس حالتي او عندها خلفيه تساعدني ولو بدعوة انه ابني مافه شي وكانت وقعه عاديه:)
انا بوديه للدكتور مرة ثانيه يعمله كونترول
بس خايفه ابغا اطمن منكم الله يخليكم بالي مشغول مرة