عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف الحلوات ؟؟
في الجزء هذا بتكلم عن بعض التصرفات اللي من الممكن انها تقضي على جذور الحياة
الزوجية …وتنسفها نسف ..فمهما كان جمال العروس ودلالها فهو لن يشفع لها بعد فترة
من العيش تحت سقف الزوجية ..إذا ماصاحبتها بعض من هذة الصفات ..
في البداية ..
ماهو تعريفك للزواج ؟؟؟
هل هو فستان وحفلة باذخة وطقطقه وزفه ؟؟؟
للأسف الشديد هذا مفهوم الكثير من عرايس هالزمن ..إلا من رحم الله ..
وهنا يبرز دور الأهل وبقوة في بث الوعي الأسري في عقل الطفلة من الصغر …
خصوصاً إن بعض التصرفات هذي تزرعها الأم بدون ماتحس بخطورة تفحلها مستقبلاً …
ومنها ..
المقارنات اللي تشغل راس البنت …
ليش فلانة احسن وليش علانة تلبس وليش فلنتانة تسافر وانا لا ..؟؟
تبدأ هالمقارنات معها في البداية من الصديقات وبنات الأقارب ..
وبعد الزواج تتطور وتستفحل وتصبح من السلفات ومن اخوات الزوج …
كلنا نعرف انة نادراً مايكون الأخوان زي بعض …حتى لو كانوا من بطن واحد وعايشين في بيت
واحد …
كل واحد وطبعه ..ساعات يكون واحد منهم لين هين والثاني اقشر وطبعه حاروكل شي عندة ممنوع ..
وهنا عاد تبدأ المقارنات ..ليش اخوك يودي زوجتة وأنت لا ..؟؟
وليش يشتري لها وأنت لا ؟؟
وهكذا …يستمر النكد وتستمر المشاكل والنتيجه ..
لا الزوجه راح تغير زوجها بهالطريقة …ولا راح ترتاح نفسياً ..
بالعكس ..حياتها راح تنقلب جحيم ..لأن أي شي بيسوية لها زوجها ماراح يرضيها
وراح تظل تشوف نفسها هي الأقل من غيرها ..
وفية بنات حتى مع اخواتهم يعقدون مقارنات …خصوصاً لو كان زوج الأخت افضل من أزواجهم ..
من وجهه نظرهم …
مع العلم ان مافية زوج كامل ولا حياة زوجية كاملة …حتى لو اظهرت بعض النساء العكس
لكن فية سيدات يحبون ان حياتهم تظهر للناس انها مثالية …
الحالة الثانية …
هي الحاله الكبريتية …
واللي من جد تحول الزوجه حياتها بهالصفة لحياة جهنمية مليئة بالنكد والمشاكل ..
وهي الشكاوي اللي تنهال على الزوج من اول مايحط رجلة على عتبة البيت
او غرفة النوم لو كانوا ساكنين عند اهل الزوج …
حيث تكشر الزوجه عن انيابها اول مايدخل المسكين …
(امك قالت ..اختك سوت …مرت اخوك قصدت ….)
يعني حتى لو كانت الزوجه مثالية ..واهل الزوج العكس ..يظلون اهلة ..ومايقدر يكرههم
زي ماهي ماتقدر تتخلى عن اهلها لو كان فيهم كل عيوب الدنيا ….
كل واحد عندة اهلة غالين ..وساعات كثيرة مايشوف عيوبهم ..وحتى لو شافها يحاول
يتعايش معها …
والزوجه الذكية …
هي اللي تكسب زوجها وتتقرب منة بالتقرب ومحاولة التكيف مع عيوب اهلة …
لأن المثالية صعبة ونادرة …
وماراح تستفيد من النار اللي تولعها في صدر زوجها على اهلة غير أنها تحترق هي فيها
لأنة مهما كان صبر الزوج وسعه صدرة …شوي شوي ومع كثر الزن على راسة
راح يوصل مرحلة الإنفجار ….واول الضحايا ….زوجته
الزوجة المثالية ..
هي اللي تحتفظ بإساآت أهل زوجها ..وتتعامل معها بدون ماتدخل زوجها في السالفة ..
ومو معناة انها تتغاضى عنها …لكن ماراح تستفيد شي من حشو قلب زوجها بالكرة على اهلة ..
العروس المثالية …
هي اللي تدخل على بيت اهل زوجها ..وقلبها صافي ونظيف …وتنسى كل اساطير
الحماة اللي تعشش في عقول اغلب البنات ..
الحماة ..او ام الزوج ..مهما كانت عيوبها …المفروض نعتبرها ام ثانية ونعاملها بما يرضي الله
لأنة حتى لو ما تحملتها عشانها ..تتحملها عشان زوجها ..او عشان بكرة زوجات اولادها
مايردون لها المعاملة بالمثل ..لأن الدنيا سلف ودين ..وكما تدين تدان ..
وهذا شي ماسمعتة ولا قريتة ..
هذا شي شفتة بعيوني ..من خلال امثلة حية …
يعني ببساطة ..احتسبي الجر عند الله ولا تنتظرينة منهم …
ومعاملتك الطيبة لهم ..تدل على مستوى تربية اهلك لك ..
العروس المثالية …
هي اللي تخلي غرفتها الزوجية ..سكن لزوجها …سكن ساكن ..ملئ بالسكون ..
ينسى فية كل متاعبة ..ويشتاق للجلوس تحت سقفة …
مو انها تحولها لثكنة عسكرية …مايسمع فيها غير اصوات القنابل ..ومايشم غير ريحة البارود …
وبعد مايهرب منها ومن حنتها وكباريتها …
تجي تولول في المنتديات …
زوجي تزوج ..زوجي مايبيني ..زوجي انحاش ….
وتنسى ان كباريتها …احرقت عشها ..قبل ان تحرق قلبها ….
عجبني وسرقته عشانكم 
