عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم حبيباتي الفراشات
اليوم جايتكم بطريقة للكبدة روعة ….. طبعاَ كنت قبل أسويها بالطريقة العادية أشوحها وأحط عليها بصل وملح وأقدمها لكن طريقة اليوم غيييييييييير 😆
وللأمانة الطريقة مو من اختراعي أنا شفتها في التلفزيون سوتها الشيف / منال العالم وطبقتها فوراَ
طولت عليكم صح
الطريقة حبيباتي تقطعين الكبدة وتملحيها وتبهريها وبعدين تجيبين صاج وتحطين فيه شوية زيت وتشوحين الكبدة فيه لمدة دقيقتين فقط ( تشويح بدون استواء ) وتشيلينها
وبعدين على نفس الصاج تجيبين بصل مقطع وتشوحينه شويه وتحطين عليه فلفل حلو مقطع وثوم وإذا حبيتي طماطم مقطعة ……… عني ما أحب الطماطم مع الكبدة وما حطيتها .. وتشوحين الخضار شويه ثم تشيلينها (الفكرة إن الخضار تأخذ ريحة الكبدة )…….. والجديد هنا .. تجيبين قصدير وتحطين الكبدة مع الخضار وتلمين القصدير من الأطراف وما تقفلينه من الأعلى أبداَ ولاتسول لك نفسك بذلك وإلا فسدت الطبخة .. وتحطينها بالفرن لحد ما تستويوانتبهي لأنها سريعة الاستواء ( لاتحرق ) .. وبعدين شمي الريحة وتذوقي الطعم
وبالهنا والعافية .
