عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا امهات يا حلوات
شخباركم عساكم بخير وبصحه وسلامه ➡ 😐
موضوعي اليوم عن شي يقهر وينرفز ويجيب الضغط الا وهو ( الناس) ➡
لما الوحده تولد تحسي الناس بدل ما يجون يزرون ويهنون بقلوب صافيه همهم بس تبقيق العيون 
من يدخلون وهما عيونهم يمن وشمال ايش سوت ؟ ايش جهزت ؟ كيف شكلها بعد الولاده ؟ كم وزن البيبي ؟ كيف شكله ؟ يشبه مين ؟ وووووووو …… الخ 
وغير كذا من الوحده تولد يتدخلون الناس في حياتك اللي يعرفك واللي ما يعرفك يعني اذا ترضعين طبيعي يقولون يااا حراااام البيبي ما يشبع ومش زين عليه يكسر الخاطر واذا يرضع صناعي ياااا حرام البيبي فاقد حنان وما عنده صحه ولا مناعه واذا يرضع اثنين ياااا ربي ايش البيبي ما يشبع خفي عليه مررره متن وغير الاسئله اللي ما تنتهي يعني تقولي الوحده صارت بروفيسوره في طب الاطفال احس ساعات ابغى ارفسهم واتوطا في بطونهم وارتكب جريمه قتل وارتاح وغير النصايح الغبيه اللي مالها اساس من الصحه والكل صار ابو العريف والكل صح وانتي غلط 😐
وخاصه البكر يا حرام هذي حالتها صعبه والكل يعاملك انك هبله وما فاهمه شي وحتى لو تقولين الدكتور نصحني يقولون لا غلطان ومش صح ووووو……. الخ يعني انتي ووجهك الحين صرتي احسن من الدكتور ؟؟؟؟ 
وغير التعليقات اللي ما تنتهي على البيبي وشكله اذا جت الام جميله والبيبي عادي قالوا يااا حرااام البيبي مش حلو مثلك واذا البيبي حلو والام عاديه ياربي انتو من فين جايبينه ويستنكرون على الام يعني الاحساس منعدم فيهم الام لسه والده ونفسيتها تعبانه ويزيدوها هم وغم ما يعرفون يلتهوا بحياتهم وعيالهم ابرك واصرف لهم 😆 🙄
اما عني انا ولاني بكريه طبعا الكل يتدخل فيني والكل فاهم والكل داري وانا لا ابغي اموتهم ساعات يجيني الضغط والقولون واتوحش ههههههه 😛
ولما ولدت قالوا ياااي بنتك حلوه وتشبهك ولما كبرت البنوته لاااا بنتك شبه ابوها وعماتها وليش عيونها صغار وانتي عيونك كبار ولا انتي احلى وخساره ما طلعت عليكي وتصدقون انا الين يومي هذا ما اشوفها تشبه لابوها ولا عماتها البنت ملامحا صغنونه كل شي فيها صغير عينها فمها انفها نعومه يعني كيف تشبه لهم هم ملامحهم مررره غير يعني انا عوره ما اشبه صح ؟ 😉
حتى وحده تقولي الحمدالله جبت اول بيبي ولد لانه على ابوه والبكر دايما على الاب والحين لما اجيب بنوته رح تطلع شبهي مش مثلك << الحين الاخت عالمه جينات مثلا 😡
المهم يجيبون ابو ام الاحباط والضيقه والتحطيم والمره الجايه اذا بغيت اولد رح اسافر بلد ثانيه وبولد هناك وما رح ارجع الين يصير البيبي سنه يالييييت هههههههههه ➡
اذن خلونا نفضفض لبعض وكل وحده تحكي مواقفها وكيف تخطت هذا الشي 😡
ثانيا عندي سؤال مين البيبي حقها كانت عيونه صغيره وكبرت علما انو بنوتي عمرها 4 شهور بس <<< ههههه جاتها حاله نفسيه 😐
