عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم علييكم فرآشآت ،
كييفكم ..؟
عندي مشكله اني حسآسه و بسبب هالشي تصير دآيم مشآكل بيني و بين زوجي .. للعلم انا صآر لي 4 شهور تقريبا متزوجه ،
بس المشكله مآ تطول بينآ و ما ننآم وحنآ متزآعلين . بس الاغلب انا اجيه اراضيه و اصلح المشكله حتى لو مو الغلطآنه انا .. بس احيآن هو يظن انا الغلطآنه بالمشكله و انا اظن هو الغلطآن .. فـ انا اضغط على نفسي و اروح ارآضيه عشان ما يطول الزعل بينآ و يتعود الجفآ 
بس هو طيووب و مو مقصر معي بشي بس مشكلته يتغلى كثير و يسوي ثقيل علي ..
طيب و بعدين .؟
طيب بقولكم المشكله اللي صآرت قبل شوي بينآ و ابي تسآعدوني كيف اتصرف معه ..؟ جد تعبت من كثر المشآكل و الزعل ،
طبعا قمنآ من النوم وحنآ مبسوطين و مروقين .. كآن يقولي قررت انا اذا نقلنآ للبيت الجديد [ حنآ بننقل لبيت جديد بعد كذا شهر و بيكونون معنآ اهله ، حنا فوق وهم تحت ] المهم شوفو قرآره ، انه يشتري مكيف سبلت لـ اهله و سبلت ثآني لأخته [ مو متزوجه اخته ] هديه يعني عشآن النقله ،انا قلت له طيب اختك اشتري لهآ سبلت و اهلك خلينآ نشوف حآجه ثآنيه نشتريهآ لهم .. و بعدين مو المفروض تآخذ رآيي أول ..؟ كآن يعصب و يقولي لا مو لازم آخذ رآيك بكل شي و بعدين لا تضآيقينآ و تسوين مشكله ، و طنشني و مشى عني ، مع انه كآن وآعدني هو يسوي الفطور اليوم ، المهم جلس بالصاله و يطالع تلفزيون ، انا رحت اكلمه اقوله ليه على طول حكمت اني بسوي مشكله .. كآن ممكن نتنآقش و نحل الموضوع بهدآوه بدون مآ تعصب ، قالي اصلا هو مآ جآء وقتهآ عشآن تتكلمين .. قلت انا مآلي شغل بوقتهآ انا قصدي المفروض انك تآخذ رآيي بكل شي و كل المتزوجين كذا ، قال مالنا شغل بالمتزوجين حنآ و مو لازم آخذ رآيك ➡
انا قمت بسوي فطور له .. و بعدين جيت قلت على فكره اليوم ما بروح لـ بيت أهلك اتغدى [ كل جمعه نتغدى عند اهله و نتعشى عند اهلي ] بس داااااااايم حنا نروح نتغدى عند اهله و اهلي ناااادر نروح نتعشى عندهم لازم يطلع لي عذر بالعشآء هو عشآن ما يروح ..
المهم لما قلت له ما بروح .. قال لا الله يخليك روحي تكفين <= يستهبل و يبي يقهرني باسلوبه
بعدين ضحك ضحكه استهزاء و قال الحمدلله و الشكر ، انا ناظرته و رحت اكمل اسوي فطور ،
سويت الفطور و جبته عنده في الصاله .. بس انا ما بفطر لأني مو مشتهيه .. ع طول قالي رجعي الصينيه مثل ما جبتيهآ ، قلت ليه ، قال شيليها احسن لأني ما بآكل .. قلت انا ما اشتهي آكل أكل انت ، قال ايه طيب ما تشتهين ، و سكتنآ و جلست انا ع الاب حقي و هو يتابع تلفزيون .. و الحين لنا اكثر من 3 ساعات و حنا ما تكلمنا كلمه مع بعض ..
بالله وش اسوي و كيف اتصرف .. و انا بسوي طبق اكل بعطيه اذا راح لأهله بس ما بروح معه =( لأن ما توقعت رده كذا بيكون !
سوووري طولت علييييكم بس جد مقهوره انا من كثر المشآكل بس ودي آلاقي حل 😆 idea:
