عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم بنات .. والله عن مدري ايش اقول ..
لي أخ عمره 8 سنووات وحيد أهلي بين بنتين.. من شهر وديناه لمستشفى الملك خالد
التخصصي للعيون وقالوا ان معه ورم حميد بالراس .. وقالوا لازم نسوي العملية
عاد واحد من أصحاب بابا دلنا على شيخ اسمه سعد الحميد اللي مع عبدالله السدحان
اللي يرقي ( اكتبوا بقوقل موقع شفاء وادخلوه ) ..
جا الشيخ وقرا عليه قال ان الولد فيه عين كأنها سهام وموب عين حسد عين محب
ومسكنا معه والحمدلله ..
وداه ابوي للحبيب عند دكتور سعودي بس شاف التقرير الاول قال بكون صريح
معكم اغلب الاورام اللي بالراس خبيثه وان له بنت اخت نفس حالة اخوي توفت
بالعمليه .. زاد الطين بله وروع أبوي .. قاله أبوي اننا نعالجه بالقرآن قال
اتركك من هاكلام الفاضي هذي كلها خرافات استغفر الله ..
بكرا ان شالله بعد المغرب عندنا موعد بنسويله أشعه .. متوكلين على الله
وان شالله يكون الورم راح أو خف بالقرآن ..
أنا كل اللي أبيه منكم أن تدعون له بصلاتكم ان الورم يكون راح ويكون علاجه
بالقرآن ومانحتاج للعمليه ولا المستشفيات ولا السفر لبرا .. وان ربي يخليه لنا
( اللهم يامن أمرك بين الكاف والنون .. ياأرحم الراحمين .. يا أرحم الراحمين ..
يا أرحم الراحمين .. اشفي ابراهيم وخليه لأهله .. يارب يارب يارب .. اجعل
أشعة بكرا سليمة .. يامن لايعجزك شيء لا في الأرض ولا في السماء .. انك
على كل شيء قدير ) ..
أتمنى من المشرفات ماينقلوا الموضوع لان هالقسم كثيره مشاهداته ..
