عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخيرات
اول شي كل عام وانتوا بخير
الله يعينا على ذكره وشكره وحسن عبادته ف هالشهر الكريم
ثاني شي انا عندي مشكله يابنات
وانا احسها بجد عوييييصه 😆 🙂 شوروا علي الله يريح خواطركم ويجزاكم خير
انا عندي بنتين
الكبيره سنتين ونص
والصغيره الحين عمرها شهر
ربي يحفظهم لي
وانا موظفه…….:D …
زوجي يشتغل فالرياض وانا وظيفتي في ديره اهلي اللي هي محافظه مو مدينه كبيره يعنيوبس وقت الاجازات اروح الرياض 😈
المهم المشكله وين 😳
وقت الدوام كنت اخلي بنتي الكبيره عند ابوي… لان امي موظفه.. وخواتي كلهم يدرسون.. وماعندنا حضانات في ديره اهلي..
وابوي دوامه حلو.. يعني يداوم بس يوم يومين فالاسبوع .. واليوم اللي بيداومه كنت اغيب انا او امي او وحده من خواتي عند بنتي… يعني متعاونين عليهت وممشين الوضع 😎 كنت اسهرها وقبل اطلع اغير لها وارضعها وتنام عند ابوي الين ارجع يعني كنت مرتاحه والوضع ماشي بينا بالتعاون انا واهلي
مع انه عندنا شغاله بس خيييير شر ماامنها على بنتي
وفوق هاذا قد شفت موقف من الشغالات مع البزران الصغار وخفت زياده
وقبل شوي قريت موضوع يخوف لوحده كانت تخلي عيالها عند الشغاله وماتوا بسببها واحد ورى الثاني!!!!!
المهم الكلام اللي فوق مافيه مشكله
المشكله فالجاي……… 😛
ابوي جاته ترقيه فالرياض:D وبيصير يداوم هناك… وحتى لو ابوي موجود بنتي الثانيه مره صغيره وماراح يعرف لها
يعني الحين انا ابتلشت 😆 idea::P
وش اسوي ببنااااااااااتي؟؟؟؟؟؟
زوجي يقول نقدم شغاله وانا ابد ماااااقدر اامنها على بنااااااااتي لو اني بموت ماخليت الشغاله حتى تغسل يد بنتي شلون الحين اطلع من البيت واخليهم معها ست ساعات!زوجي يقول اسالي شوفي جنسيه كويسه مع الاطفال… بس مااااش مو قادره
شوروا علي يابنات والله العظيم مره شايله هم ومو مرتاحه
والله يجزاها خير اللي بترد علي
