عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تخيلى إنك رايحة تمتحنى دلوقت
دخلتى اللجنة وأخدتى ورقة الأسئلة
بس المراقب قالك : خدى بالك الوقت غير محدد
فأنت قولتى : يعنى ايه ؟ الوقت مفتـــوح ؟!
قالك : لا الوقت محدود
بس أنت مش من حقك تعرفى آخره امتى
متعرفيش ورقتـــك هتتسحـــب إمتـــى ؟
ممكن نسحبها فأى وقت بس لما نيجى نسحبها
مستحيل تتأخر لحظة واحدة .
طب إزاى ؟!!!!!!!!
هوا كده .
المهم سعادتك بدأتى تجاوبى وبتبص حواليكى فى اللجنة
فلقيتى ناس بتموت نفسها علشان تحل
ومش مضيعة ثانية واحدة من الوقت
وناس تانية بتلعب وتتنطط وغفلانة عن الوقت خالص
فأنت قولتى فى نفسك ما هو الحكاية سهلة ،
أقوم ألعب شوية وبعدين أرجع أكمل وبعدين كده كده لسه بدرى
مش معقولة الورقة بتاعتى أنا بالذات اللى هتتسحب دلوقتى
ياترى لو ده حصل فعلا هتقولى على نفسك ايه ؟!
؟!
؟!
؟!
طب ما هو ده حاصل بالفعل !!
كلنا فى الدنيا دلوقت فى إمتحان مفتوح
ومفيش حد عارف ورقته هتتسحب إمتى
مفيش إنسان يقدر يقطع بميعاد لحظة خروج روحه
فالعاقل هوا اللى يستغل وقته صح ويخلى حياته كلها طاعة
سواء عبادات أو معاملات أو مباحات ..
واللى مبيفكرش اللى يغفل عن الإمتحان المصيرى
ويضيع مستقبله الدائم ( الجنة ) علشان شهوات دنيوية فانية
فياترى أنت عامله حساب سحب ورقتك ؟!!
طيـــب مستنــــية إيــــــــه ؟؟؟
