عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يالله حيهن
السلام عليكم ورحمة الله وبركاته
كيفكم .. وش مسووين ؟
ياعسولات .. أتمنى ألقى رد شافي منكم أو حتى تجربه مشابهه تريحني شوي
أولا .. أنا توني والده والحمد لله على سلامتي : )
بنتي الله يحفظها الحين لها 10 أيام
والحمد لله قدرت ارضعها طبيعي مو زي سواتي بولدي 🙁
لكن المشكله هي انها تمسك صدري وتجلس عليه ساعتين ثلاث وبمجرد ماأخليها تجلس تبكي وتدور صدري وبكاءها مره حار
فاضطر أقوم اسوي لها حليب صناعي
أول 8 أيام كنت استخدم لها اس 26
وماتجلس ساعه إلا وترجعه أحيانا كله وأحيانا نصه .. وعلى طول تخرج ( تتبرز لكم الكرامه )
قلت يابنت يمكن من الحليب لإنه قبل كذا ماناسب أخوها وغيرته له وجبت له سيميلاك ونفس الشيء جبت لبنتي سيميلاك
وغيرته بالتدريج كله عشان ماتتلبك معدتها
ونفس الحاله ترضع الرضاعه كامله وترجع يانصه ياكله
الدكتور يقول خليها على الطبيعي وليش أصلا تعطينها صناعي
وجلس يعطيني فوائد الرضاعه
المشكلة إني زي ماذكرت لكم تجلس بالساعات ماسكه صدري وتنام وتصحى عليه
وانا تعبانه لسى وغير كذا عندي ولد سنه وخمس شهور يعني مو معقوله ماعندي شغل غير الرضاعه .. أضف إلى هذا كله أنا موظفه وتخبرون إجازة الوضع كلها شهرين ماأبغاها بعدين تغلبني بسالفة رفض الصناعي
أول الوقت قلت الحليب وغيرت الحليب ونفس الشيء
اللي كاسر خاطري ومحزني هو انها بعدما ترجع تنام ساعتين وأقول بنفسي إذا الترجيع يدوخنا احنا يالكبار كيف هي ؟!!!
شسوي معها .. والله إني ارضعها وأنا ادعي يارب ماترجع يارب ماترجع 🙁
على فكره باليوم أنا اعطيها رضعه بابونج لما تبكي بعد ماأشيلها من صدري عشان أخاف اعطيها صناعي على طول وتتلخبط عليها الدنيا
تجاربكم وردودكم ياعسولات كثير تهمني
في أمان اللي ماتنام عينه
