بنتي … ومشكلتها

رهيب صراحة هذا المنتدى احس اني استفدت منه كثير

طيب ياحلوات ..

انا عندي مشكلة

بنتي دخلت الخمس سنوات … وتستخدم الحمام وانتو بكرامة عادي … بس مشكلتها انها تخاف تكون لحالها في الحمام … مع انها ما قد تعرضت لموقف مخيف او اي شي

اذا خرجت من عندها تقعد تصرخ ياماما لاتروحي وتخليني لحالي .. وتنزل وتجي وراي .. وارجع معاها واقعد لين تكمل واغسلها والبسها واحيانا هي تغسل .. بس المهم تقول خليك معاي

والله جربت معاها اسلوب التعزيز والهدايا بس مافي فايدة .. تقول ما ابغا شي لاحلويات ولا هدايا ولا العاب خليك معاي وبس.. هذا الاسلوب نفع لما تركت الحفاظ اما الحين لا ..

مرة شفت بنت صغيرة في السوق دخلت وخرجت لحالها .. قلت لبنتي شفتي البنت الشطورة راحت لحالها … قالت حتى انا شطورة بس انتي تعالي معاي…. صارت عيوني كذا

ومرة رحت لاهلي وسويت نفسي اني مو موجودة بالبيت .. قلت بشوف كيف تتصرف لو بغت الحمام … والا اشوفها تسحب قي شغالة اهلي تقول تعالي معاي وديني الحمام …

تعقدت .. حتى الروضة ماقدرت ادخلها بسبب هذي المشكلة اخاف تسحب المدرسة معاها ولا البنات ❗

فكرت اسأل طبيب نفسي .. بس ماعندي ارقام .. وقلت اشوف تجارب الفراشات اول