اخووي يبيها وانا مستحيل اخليه يتزوجها … ساعدووني

اهلين اخواتي

بالبدايه احب اشكركم على تعاونكم وربي انكم عضوات ترفعون الرآس وانا اتابع فيكم من قبل 3 سنين ودائما ادعيلكم واتمنا لكم التوفيق ..

والان اجا اليوم اللي طلبت مساعدتكم فأرجوكم لا تبخلون علي 😈

القصه وبالمختصر المفيد ان اخوي معجب ببنت عمتي .. طبعا احنا ببلد وهي ببلد وتكلمنا معاهم قبل فتره واللي لاحظته على اخوي انه مدحها وقال عنها انها مودبه وذوق وتدخل القلب بسرررعه طبعا هو قال هالكلام بعفويه قدامنا << طبعا انا طاار عقلي لاني اعرف البنت واعرف حركاتها لاني ضايفتها على الفيس بوك واعرف ان عليها حركات ؟؟ وضايفه شباب وتهديهم اغاني ويهدوها اغاني وضحك ودلع ؟؟ ➡

طبعا انا ما استحملت لان تعرفون اذا دخلت مزاجه راح يفكر فيها ويتتعلق فيها ولا شلون ..؟؟

فقلت قدامه الا يا عبدالله شنو رأيك بنت عمتي مها فقال لي الصراحه ماشااء الله عيلها مودبه وخلوقه وكذاا ..

فقلت له تعال شوف شويه << وجلست على اللاب
فقال لي اوك يا احلام تراني تعبان خليها بعدين وبدأ يتغدى << عصبتتتت و طبعا هو ماكان يعرف ليش ابيه
قلت له اوك يا عبود بس كان ودي اوريك الفيس بوك مال مهاااا عاد هو على طول ترك الصحن وقال لي اوك

<< طبعا كانت نيتي اني اثبت له ان البنت ما تصلح له موو اكثر
و قبل ما اوريه الفيس بوك قلت له ترا مها عندها حركات مو حلوه وماتعجبني وكذا وكذا وكذا << الكلام اللي قلته لكم فوق وبعدين وريته الفيس بوك مالها وتم اخوي ساكت ما علق
وبعدين كررت ان البنت عندها حركات ماتعجبني فقال لي ومنو انتي حتى ما تعجبك حركاتها ..؟؟
وانتهى الموضوع ..

طبعا انا لاحظت ان البنت كانت تتدلع شويه ومسويه روحها كوول وماكانت لابسه حجاب بوقت اللي كلمته >> كام ومايك
بحيث حتى هو قال لاخوها ترا مها (بنت عمتي) تشبه احلآم <<يعني انا
للعلم فقط ان عمري 20
عمر خوي 16 وبنت عمتي 16
…؟؟؟