احذروا مشغل …..

كيفكم يا فراشات الامانه توجب علي تحذير اي وحده من مشغل الخنساء بالدمام

والله يا بنات اني شريت قماشين غاليه من الخبر مول الواحد بحدود 900 ريال وديتها عن خياطة

مشغل الخنساء واول ما دخلت استلمتني ام حسن صاحبة المشغل ومديرة المشغل المصريه

وهات يا مدح بخياطتهم وكان استقبالهم قمه

ولما رحت البروفه قسم بالله اني انصدمت لما شفت الموديل اختلاف 180 درجه عن الموديل اللي

طلبته برغم ان عندها صوره من موديلي المهم رحت غيرت قماش الصدريه المتر من القماش الترتر

ب400 ريال طبعا هو ثلاث الوان واخذت ربع متر من لونين بس ب200 ريال ووديته لهم المهم

رجعت لهم البروفه الثانيه بغيت اموت قهر لعبت في القماش لعب ولما قلت لهم ان الموديل غلط

المصريه غلطتني وقالت انه هذا طلبك طبعا اخلاقها قلبت مو مثل ما استقبلتني قبل اخيط عندهم

المهم راحت غيرت قماشي من ابو طقه وجابت قماش يفشل والله حتى زوجي هاوشني وقال

ليش ما سئلتي عن المشغل اول قبل ما تودين الاقمشه وهذا كان خطائي

وكمان المقاسات مو مضبوطه الزبده اني خسرت على الاقمشه والخياطه 2300ريال

وطلعت الفستانين تفشل لا موديل ولا مقاس

رجعت اشتريت فستان جديد من الجمعه سنتر ب1250 كلها علشان زواج اخوي والله يعوضني خير