وش رايكم بزواجي من اخو زوج اختي؟


مرحبا ,,
انا نزلت موضوعي هنا لان حضرتكم اكثر فئة متاكده انها بتفيديني…
اخو زوج اختي خطبني بس بشكل غير رسمي..مشكلتي اخاف علاقتي مع اختي الشقيقه تتأثر, انا ما عندي الا هي شقيقه الباقين اخوات من الاب,,المهم الموضوع محيرني ..باقي اخواتي علاقتي فيهم من الاساس مو مره قويه , بس 2 منهم العلاقه ماعليها ,,المهم انا سؤالي موجه لكم يالمتزوجات وش رايكم ؟
انا واختي ماعندنا خرابيط المقارنات , وانه زوجها سفرها سفرني او جابلها شغاله او سكن مرتب ,,بس بنفس الوقت خايفة في مشاعر ومشاكل تصير غصب عني بعد ما اتزوج, اكيد انه بيصير خلافات عاديه زي الحين , بس انا اخاف تخرب علاقتي باختي الوحيدة . هل زواج الاخوان من الاخوات يسبب خلافات؟
اسالكم بصراحه هل كلكم تقارنون؟ انه فلانه زوجها جابلها وزوجلها اهداها ؟؟انا اشوف ان اغلب الحريم كذا
انتظر تعليقاتكم وارائكم
مشكورين
تحياتي

0 thoughts on “وش رايكم بزواجي من اخو زوج اختي؟”


  1. خوالي تزوجو اخوات

    وعلاقتهم حلووووه البنات

    مرره مع بعض

    خرجات وطلعات

    ادا انتو علاقتكم حلووه قبل ماتتزوجو

    اكيييد بتكون احلى

    بتكونو مع بعض في كل شييي

    :::

    وبرضو اخوات زوجي متزوجين اخوان

    ومررره مبسوطيين

    يروحو مع بعض لكل مكان

    وبث الله يسعدك


  2. بنات خالي ما خذين خوان وعادي ماشاء الله تبارك الله بالعكس صاروا اقرب لبعض وكل واحد شايل عيال الثاني هو يكونون عيال اخوه وانتي عيال اختك

    ونفس الشي عمامي ماخذين خوات اشقاء و الحريم خوات اشقاء والله يبارك لهم

    واستخيري الله بالاول والاخير والله يوفقك ويبارك لك ان شاء الله 😀


  3. تسمعين نصيحه من اعماق قلبي اذا الرجال مافيه اي عيب وافقي ولايهمك شي ثاني حكايه تصير خرابيط بينك وبين اختك لا خلي لحياتك خصوصيتها وبكذا تكونين اسعد انسانه والله يوفقك ويفتح لكي ابواب السعاده ,,,,,,,,,,,

    (تكفون ادعوالى بالزوج الطيب والحنون والله ودي اعرس وارتاح )


  4. بالعكس والله فللللللللللللله ووناسه بصراحه ماجربت انا بس عندي اختين ماخذين اخوان ومستانسين مره وعلاقتهم مع بعض قويه اكثر من اول وبالعزايم مع بعض يعني اذا مالقيتي احد تسولفين معه عندك اختك واختك راح تجرءك

    الله يكتب لك اللي فيه خير


  5. اعرف كثير تزوجو اخوان وعلاقتهم رائعه وبالعكس استغلو هذا الشي بتقريب الاخوان اكثر ببعض وهذا على حسب علاقتك باختك اجلسي وتكلمي معاها ووقوليلها اخاف يسير مشاكل بيني وبينك
    وتعرفو على الاشياء اللي المفروض تتجنبوها عشان مايحصل بينكم زعل.


  6. بالعكس اكيد راح تقولك اهم صفات الخاطب الحلوة والشينة لانها عاشت معاهم وعرفتهم

    مثلا انا اخو زوجي الصغير

    ولو خطب اختي بقولها على كل صفاته وهي بكيفها


  7. اللحين انتي نظرتي للسلبيات ونسيتي او تجاهلتي ايجابيات هالزواج!
    تدرين انه ماشاءالله بتكون علاقتك باختك اقوى بعد وروحاتك لها اكثر وقعداتكم مع بعض اكثر
    لو تتزوجين واحد من بعيد ماتصيرين قريبه من اختك كثر مايكون هالزوج اخو لزوج اختك
    اهم شي اخلاقه دينه سمعته
    خوالي الاثنين متزوجين خوات وعادي ماشاءالله مااشوف فيه اي مشكله بالعكس
    وبعدين انتي من بدري فهمي نفسك ان كل زوج فيه ايجابياتوفيه سلبيات لاتنظرين لسلبيات زوجك وبالمقابل تبحثين في ايجابيات زوج اختك !
    اذا سافروا لاتزعلين قولي مشاءالله وعادي افرحي لها وليه علاقتك تخرب فيها تغارين منها مايصير او هي تغار منك بعد موزينه انتوا المفروض كل وحده يسعدها سعادة اختها
    وانا اشوف ان هذي فرصه لك ان كان الرجل محترم وطيب ومصلي ويخاف ربه تزوجيه واختك بتصيرين قريبه منها اكثر
    ولاتبحثين في السلبيات ابد وازنوا الامور صح
    وربي يوفقك وعساها خيره لك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *