عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
بنتي ساره حبيبتي وحياتي
تحوس بالحوش وتلعب وتييني ريحتها ما ادري شلون مع انها الله يحفظها نظيفه وحاطه بودر
عاد انا مااااا اصبر اتنرفز كل شي ولا النظافه
امسكها واقعدها بحظني وافصخها وادهنها بفازلين واشويه زيت اللوز واقعد ادهن وامسج جسمها عدل
وبعدين البسها هدوم واخذ زيت السمسم وادهن شعرها عدل مدل واسوي لراسها مساج وافرك جلدة راسها عدل بالزيت وارجخه ترجيييخ بالزيت عدل
واخذ شور كاب واغطي شعرها
واقعد انظف ويها بفوطه وماي دافي واحط عقبه فازلين
ملاحظه : زيت السمسم واللوز اخذهم من الصيديله خصوصي حق بنتي مو شغل الحواج شغل الحواج خلوه حقي
انزين وبعدين عاد ازهب اهدومها ونقعد اشوي وعقب ساعه
عاااد يبدي الشغل وتبدي الحرب
ادخل الحمام معاها اقط اهدومها وادخل بالبانيو معاها وعاد اهيا تقولي مسكينه : ماما مابي سبح الحين باجر باجر
يا قلبي تقنعني خخخخخخخخخ مسكينه تقول ابي اتسبح باجر
ما كو اليوم والحين بعد
واشغل الدش وابدي عاد اسبحها واغسل شعرها عدل بشامبو بيبي جونسون اللي بالبابونج لان شعر بنتي فاتح اشوي على شعري مشوقر والبابونج يفتحه ويعطيه لون حلو وعاد اغسله مرتين عن الزيت
وبعدين اغسل جسمها عدل واحط عليه صابون اطفال وبعدين اخذ الليفه وافرك جسمها وريولها عدل
واغسلها بماي دافي وساعات اصب عليها شطفه اخيره ماي وديتول الاخضر وبعدين نتنشف ونطلع من الحمام
انزين
بعدين ادهن جسمها في كريم بيبي جونسون الوردي او اي نوع ثاني من بيبي جونسون
ومع بودر خفيف والبسها هدومها واستشور شعرها عالخفيف لان شعرها ناعم وبعدين تعالي شوفي نتيجه زيت السمسم لمعه تهببببل وتنعم الشعر زياده
وبعدين اخذ عطر الشعر من شانيل انا احطلها كوكو شانيل واااو يهبل وارش رشه خفيفه
واحط لها على هدومها عطر حبيبي من مكياجي وعلى ارقبتها وورا اذنها اشويه مسك العروس
ياااي عاد الحين تسنعت البنت وتعالي شمي ريحتها تهبببل يازينها سارونه المزيونه صارت ورده
منقول للفايده
