عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم:3_2_101[1
اليوم بكتبلكم قصة ولادتي ببنتي “وجدان”:020:
بدأ معايا الآلم من الساعة 4 الصبح من يوم الإثنين بتاريخ 21/8/1431هـ وكان ألم خفيف وبعدين قمت أمشي في البيت وأكل رطب وأدعي ربي اني أولد على خير ولمن جات الساعة 6 الصبح بدأ معايا افرازات دم واتصلت على اخت زوجي وقالتلي اشربي كاسة حليب مع ملعقة عسل وحطي قرفة لأنه هذي بداية الولادة وتقلي لاتخافي وخليكي هادية كله طبيعي المهم رحت لمستشفى “حراء” في مكة مالت عليهم وعلى تعاملهم الزفت رحت فتحت ملف وكشفت عليا قالت مفتوح 1سم مافيه ولادة ممكن بعد 3ساعات وممكن بعد 3 ايام قلت خير وخرجت رحت لبيتي وفطرت ومشيت و شربت زيت خروع وشربت كاسة حليب مع عسل وقرفة واخذت دش على الساعة 10 زاد الآلم ورحت لحراء قلتلها اكشفي قالت روحي انسدحي انسدحت وخلتيني ساعة كاملة استنيها الدكتورة السودانية الله ياخذ حقي منها وبعد ساعة جاتني عشان تكشف دخلت يده كأن حديدة دخلت فيني وقالت لسه 2 سم روحي البيت قلتلها انا فيني الآلام ابغا تنويم قالت مافي اسرة روحي مستشفى النور لاتجي هنا كأنه مستشفى ابوها المهم قلت لزوجي عصب وراح اتضارب مع المدير المهم كلمها وقالت تستني الين مايفضى سرير وجلست على الكرسي بره السيب الين الساعة 3 العصر وأنا ولا احد معطيني وجه وانا أتألم شافني زوجي قالي اقول نمشي وخرجت من المستشفى النكد ورحت لمستشف “الرفيع بمكة” ودخلت يوم وصلت اول شي سوته الدكتورة كشفت عليا وكان مفتوح 4سم الدكتورة كانت طيبة الله يستر عليها ويدهها خفيفة المهم سويت اجراءات الدخول ورحت على الملاحظة ايش كان التعامل جدا راقي والممرضات طيبات وحنونات وماجات الساعة 5وثلث دخلت كشك الولادة كان الطلق حامي عندي ماشاء الله وخرجت الساعة 5و45 يعني ولدت بسرعة ماشاء الله يابنات قولوا ماشاء الله والي ولدني الدكتور “محمد خان ” الله يسعده ويوفقه يارب
بنتي جبتها يوم الاثنين 21/8/1431هـ وبس هذي كل الحكاية
طولت عليكم ياكروشات ونصيحة يابنات لا وحدة تروح لمستشفى حكومي والله زي البلا ويتعبك أكثر من ما يريحك وادعولي يابنات انه الله يقوم بنتي بالسلامة لأنه فيها صفاري
عن ayod131
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …