عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أنا متزوجه وباقي شهرين بالضبط ويصير لي أربع سنوات حملت بعد زواجي على طول يعني ما تمتعت بحياتي وبنتي الآن عمرها 3 سنين وكم شهر وبعدين ما حدي أرتحت من الحمل والولاده والأسنان والتطعيم والحفاضه والنظافه نظفتها وخلاص وأرتحت شويه بديت أشم نفسي شوي بديت أتكشخ وأهتم ببيتي صح بس شهرين وربي يشهد عليا وطلعت حامل ببنتي الثانيه وطبعا عارفين الحامل وحم وقرف والكلام هدا كله قلنا نستحمل عشان يصير لها أخت وتلعب معاها المهم جبن البنت الثانيه ودحين عمرها 5 شهور بس أتأخرت علي الدوره هذا الشهر وطلعت حامل علما بأني جربت جميع أنواع موانع الحمل اللولب ماناسبني ومع كذا خليته وكان يجيني نزيف وأصبر شلته لمن جتني إلتهابات شديده منه الحبوب كل الأنواع إلي أنوصفت لي سببت لي نزيف وتعب شديد وجربت آخر شي الواقي الذكري وطلعت حامل وكمان للعلم أنا تركت دراستني عشان زوجي يمكل دراسته ولا خلصت كملت أنا وهوا السنه الجايه يتخرج يعني المصروف مو قد كده ولا أنا أقدر أتعامل مع أطفال كثير لأن خلقي ضيق وعصبيه وكمان شغالتي بين يوم وليله تبغى تسافر عقدها أنتهى وما نقدر نجيب وحده تانيه لا داخليا ولا خارجيا وأنا جسمي من النوع الضعيف بسرعه أتعب من الشغل فكيف وأنا دحين حامل وبرضع وبعتني ببنتي وكمان في الغربه وما عندي أحد يساعدني بالمره حتى جيران في بس ما أعرفهم لأنهم ما يبغوا يتعرفوا عشان ما أدري إيش ودورت في جوجل عن حكم إسقاط الجنين (أنا الآن لسه ماتميت شهر) في نفس الظروف إلي أمر فيا وعموما ولقيت إنه يجوز مالم يتم 120 يوم أو بعضهم يقول 40 يوم يعني أنا لسه ما تجاوزت الفتره
فا إيش رايكم أكمل الحمل ولا أنزله وكيف أنزله شربت برادين قرفه وكميه موب قليله حبة بركه ولا صار شي ساعدوني لا تتركوني لو إنتي مكاني إيش كان سويتي :059:
والله العظيم مره متضايق حتى زوجي يوم جاب النتيجه قال لا تقولي لأحد عشان أختي أنا لها زومان ماحملت وحملت هذا الشهر بس يقولوا يمكن يكون خارج الرحم وهيا مره متضايقه وغير كذا عشان لايسمع كم كلمه من أمه لأنه يوم حملت بالبنت الثانيه قالت ليش حملتي بدري !!
حتى هوا لمن طلعت نتيجت التحليل أنا قعدت أبكي ما أبغى وقالي والله إني فرحان وليش كذا وهذي عطيت ربي ولمن سكنت قعد يقول صح أنا ما كنت أبغى دحين أولاد بس يالله الحمدلله يعني مغصوب ومجبور :042:
وكمان الأهم بناتي والله إني ما بلحق عليهم والصغيره تو عمرها 5 شهور بس كيف أرضعها وأنا حامل وجسمي مستضعف وكمان عندي إلتهاب شديد بالبول خلاني ببنتي الأولى آخذ مضاد لمدة شهر وأنا حامل وببنتي الثانيه أخذته لمدة 4 شهور متواصله وكمان كنت حولد ولاده مبكره كله بسبة هالإلتهاب وإلى الآن ما تعالجت ودحين أحس بوجع في ظهري وبطني من الآن ومني عارفه إيش أسوي
سامحوني على الإطاله ولكن مالي غيركم أفضفض له وأستشيركم
