عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الفل كروشات
وكل سنه وانتوا طيبين وعيدكم مبارك
المهم ياحلوات انا الاحد اللي فات كان موعدي مع دكتورتي وكان اول مره حتسويلي فيها كشف من تحت لانو خلاص في نهاية التاسع
والحمد لله كشفت عليا وكل شي وصدمتني لما قالتلي رحمك مره مقفل اهي اهي
قالتلي روحي واشوفكم يوم الخميس قبل الاجازه اللي هوا الخميس اللي فات وكان هوا اخر يوم ليا في التاسع على حساب الدكتوره
خرجت من عندها والدنيا كلها مقفله في وجهي لانو كنت احس بالام كل فتره وفتره وفي الاخر يطلع مقفل وغير كدا كنت امشي كتير
المهم ياقمرات خرجت من عندها ورحت مشيت ومشيت ومشيت لحد ماتكسرت رجولي ورجعت البيت عبيت البانيو مويه دافيه وجلست فيها حسيت اتحت شويه
وسوتلي اشياء دافيه وصرت اشربها زي الحليب بالز نجبيل والعسل ودي الحاجات
وزدت عدد ساعات المشي يوميا وداومت ع مغطس المويه الدافيه وصارت مامتي تدهلني ظهري وبطني بالجوزه او الزنجبيل مع زيت الزيتون
وبرضوا صار جممااااع
االمهم رحتلها الخميس دا وكشفت تاني عليا وقالتلي ممتاز فتح رحمك سانتي ونص وسوتلو توسيع برضوا بيدها قالتلي روحي سوي تخطيط نبض البيبي وتعاليلي سويت التخطيط وقالتلي ممتاز
قالت روحي البيت وامشي واجلسي في مويه دافيه وان شاء الله تجينا الليله او بكرا قصدها الجمعه ولاده
نفس اليوم اللي كشفت عليا صار ينزل دم لونو بني اتوقع من الكشف
بس في نفس اليوم بالليل نزلت عليا الله يكرمكم افرازات مخاطيه شفافه كتيره ومعاها خيوط دم قالولي شكلها السداده فرحت مره وقلت الفرج قرب
فدحين ليا 4 ايام مخلصه التاسع بحساب الدكتوره والمتوقع ليا اني اولد دي اليومين بس ياكروشات المشكله ماعندي اي بوادر ولا احس بالم بس تحجير يروح ويجي
وبعد الجماع تجيبني تقلصات واللام وترجع تختفي
ايش رايكم اصبر للخميس اكون كملت اسبوع واروح الطؤاري اتطمن ولا اروح اليوم
قلبي قارصني ابغا اشوف ع الاقل الرحم فتح زياده ولا اخاف يكون في طلق ومو حاسه
واوقات اخاف استعجل يروحوا يستعجلوا عليا ويلعبوا فيا ويولدوني بالقوه
طلبتكم لاتطنشوني مره محتاااااره وتعبانه
ربي يفرج كربتي وكربتكم
