عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات انا جديدة في هذا المنتدى و بصراحة تعبت من هذه المشكلة ، جربت حلول وايد و مانفعت بشي ، اول شي انا وخطيبي ماصار لنا الا كم شهر مخطوبين و دوبنا ماتهنينا، بحكم انه مايقدر يزورني كثير لذلك اكلمه بالجوال بمعرفة الاهل و مرات بالمسن ، لين هنا كل شيء عادي ، انا وخطيبي عندنا نفس الامتمامات ولقينا ممنتدى يدعم هذا الشيء و قررنا نسجل به مع بعض لكن تصرفنا كاخوان لان مانحب نعلن للناس عن هذا الشي.. صارت مضايقات كثيرة بسبب بنات هناك يجونه ويكلمونه مايستحون على وجيهم انا اشوفهم وقلتله ابتعد عنهم قال ابشري و ماكان يعطيهم وجه بالاصل، و مرت الايام وكنا عادي مع بعض الى ان دخلت هذي البنت الله يرويني فيها ! جات و دخلت المنتدى و صدفة تعرفت عن خطيبي كانت ناشبة بمواضيعه تمدح به و تمدح الي يسويه وكانت لصقة ماتروح عنه ولا عن صديقه و كانت معرفة سطحية وانا اشوفها و نبهته عنها لانها مثل مايقولون خفيفة مافيها ثقل تكلم الاولاد و تتضحك كأنها جالسة بين اخوانها ، المهم صار الي صار ومدري وش سوت فيه وضافوا بعض بالمسنجر بدون علمي بتقولون وشلون عرفت؟ عرفت من تصرفاتها الغريبة كانت جدام العالم بالمنتدى تهديه هدايا (رسمها وتصميمها) ترسمله شخصيات و تقول هذا انت انا طبعا انقهرت وشلون تسوي كذا !!! مهما كان الرجل خاطب ولا مو خاطب انتي وشعليك تسوين الحركات هذي!!! كلمته بالمسن و سحبت منه الكلام الى ان اعترف وقال هي ماتقول شيء بس تسولف معي و بعد صديقي ضافها قبلي و هي اكبر منا انا وانتي يعني كأخت كبيرة والغريب ان لما يسئلونها الناس عن امورها الشخصية تقول ما اعلمكم اموري الشخصية و شلون تسولف مع خطيبي و صديقه ؟! المهم انا استغربت وش غير خطيبي علي والله تصرفاته تحسسني مسحور او احنا محسودين على خطبتنا احسه يتصرف مب بوعيه يعني النبت مخليته يقرى او يسمع شي تسحره فيه؟؟ لان لو قلتله ابتعد عن البنت ولا تعطيها وجه والله يقولي ابشري ! مع هاذي كل ما اذكر سالفتها يتغير مزاجه ويغير السالفة و وصلت للهواش و مرت فترة مانكلم بعض وانا خليت السالفة بعيد عن الغير لاني احبه وودي اكمل معاه و هو نفس الشي بس مدري وشو صار فجأة بينا, المهم انا يوم شفتها تكتب له و تدلع نك نيمه بالمنتدى (شوفو الوقاحة!) دخلت بأكاونته وكتبت لها رسالة لاتكلميني واحذفيني و لا تكررين قلة الادب هاذي مرة ثانية بدون علم زوجي وطبعا اكيد راحت تفاهمت معاه بالمسنجر و جا قالي انتي مسوية هذا الشي؟ قلتله اي وابيها تطلع من حياتنا هذي الانسانة وقحة قال اوكي ، بس مادري وش سوت له و ماحذفها ! مادري شفيه الرجال متغير احسه مسير مو مخير ، طبعا طلعنا من المنتدى و اكتشفت انها تشارك بمنتدى ثاني و الحمدلله ماجابت لا خطيبي و لا صديقه وبالصدفة شفت ردودها و لقيت رد كاتبة به ” ما اتذكر من متى وانا بديت احب (لقب زوجي بالمنتدى) ربي يسعدك ويحفظك اشتقت لك و ان شاء الله تكون بخير” انقهرت من داخلي لين الحين مادري وش مسوية به!!! جربت اعطيها نغزات قالت لا اعرفك و لاتعرفيني لاني اصلا استفزيتها مثل ماتسوي بخطيبي
ساعدوني والله ماودي اخسره علشان وحدة ماتخاف الله وانا ودي اكمل معاه والذنب مو ذنب خطيبي احسه فيه شيء مب طبيعي وانا ادري والله انه محترم مرة من المرات شفت محادثة تخيلوا هو فاتح المسن و لا عطاها وجه اول ماشافته دخل جات (فلاااااان) وينك ماتبين وهو يقول اهلا اختي اهلا و هي تقول شفيك رسمي معاي ( بالله شتبين يطيح الميانة معاك !! ) و قلتله احذفها اظنه حذفها جات مرة ثانية تلاحقه نفس الكلاب اعزكم الله تقول وينه .. وش الحل كل مرة افاتحه بالموضوع كأن شيطان قاعد بينا نجلس نصارخ ونتهاوش مانحل المشكلة .. انا متأكدة انه مايحبها والله مايحبها بس هي تحبه شكلهاا؟ ادعولنا والله احنا في اكتئاب مايعلم به الا الله احس اننا محسودين ماكان قبل كذا
ما ابي نتزوج الا لما نحل هاذي المشكلة و هي والله احسها حست اني اصير له و تبي تخرب من بينا بس وش تبي توصل له؟ هو بطبعه خجول و المسنجر مافيه الا انا و اخته بس من البنات وهو اول غير الحين اكتئاب فينا …
وسامحوني طولت معاكم … ان شاء الله اكون خفيفة عليكم
