ولدي يتكلم وفجاة صار ماينطق ولا كلمة ..طلبتكم ساعدوني

طبعا الموضوع باين من عنوانه
…ولدي الكبير الحين عمره سنتين ونص طبعا حملت عليه وكان عمره 9 شهور وعلى ماولدت الا صار عمره 1 ونص..
طبعا فالمدة اللي فاتت كان يتكلم يناديني باسمي ينادي ابوه اخواني ابوي يناديه جدو خواتي حتى عماته وكان على احلى مايكون …
حتى تصرفاته غير اول كان يهتم فينا يسوي حركات علشان يلفت انتباهنا له بس الحين لا ..
فاخر اسبوعين من رمضان الولد ماصار ينطق ولا كلمة ولما اروح اي مكان لو بيت اهلي بيت اختي من ندخل البيت يجلس يبكي بكي كانه احد ضاربه ..
انهبلت ماعرفت وش اسوي له ..
فيوم طلعنا السوق وكان مسوين حملة عن اسر التوحد وطبعا حمولتي شافو المنشورات اللي هناك وقروها وجابولي منها قالو شوفي كل شي مكتوب بولدك
وانا جلست ابكي ..يقولون لي كل الاعراض المكتوبه موجوده بولدك يعني فيه توحد
وانا جلست اوسوس وابكي
بصراحة لما اشوف تصرفات ولدي ماقدر اقول ان ذي تصرفات طفل فيه توحد..
المهم ..
قلت بحاول اهتم فيه زيادة عن اللزوم صرت ادلعه زيادة عن اخوه قام شوي يتكلم بس كلام مو مفهوم
واذا شاف امي قالها مييييييا >>>امي من زمان لاكلمته كان تقوله هالكلمه
وصار يقول سيا = سيارة
مي = مويه
وطبعا قبل اسبوعين سافرنا الشرقية اليوم اللي رجعنا فيه للرياض فجاة نطق اسمي وقاله صح وعلق عليه ينادي فيه مررره انبسطت
وبكل الفترات اللي فاتت كنت اخليه يتفرج على نفسه يوم كان يتكلم وكان ينبسط مرررره
بس المشكله الحين ان من كثر ماهو متعلق بطيور الجنه احس صار تركيزه كله عليهم يضحك عليهم وكل شي
بس اذا احنا ناديناه يسفه يسوي نفسه مايسمع واذا احد تكلم مع يعصب ويبكي بس علشان يتركه مايبي يتكلم مع احد ..

تعبت .. ماينتبه لي ولا كانه يشوفني ولا عطيته سياراته لعب فيهم وشاف التلفزيون ولما احاول اغير القناة لو افلام كرتون يعصب ويبكي ..
حاولت اجيب له تركيبات بس ماينتبه لهم