لـي عين تكتب له ؛ وله { عيــن } تقرا ؛؛

ماكنـي أعرفـه ولا كنـي أبغيـه = وأنا عليه من أمه أحـب وأجـرى

ياكثرهـا تسليمـةٍ يـوم ألاقيـه = لي عين تكتب له وله عين تقـرى

وان حل طاريّه .. تجاهلت طاريـه = ماكني أدري عنه ، وأنا به أدرى

بسكااات يغليني .. وأنا حيل مغليه = لا تليفـون ولا مواعيـد غـدرى

يصون ودي عن عذوله وأحاميـه = وأنا عليه أحجى من القلب وأذرى
حبٌ {عفيفٍ} والصراحه سواقيه = في وقتنا ماظنتـي زيـد يطـرى

لا أسولف بحبّه ؛ ولانيـب كانيـه = وغيري لو أنه يوالفه كان ~ هـذرى

أحشم قريبه حشمةٍ لـه وأداريـه = وأخشى يجي في خاطره شي وأدرى

ليت الزمن يرجع : وأنا أعلمه ليـه = وألا الحظوظ من المقابيل تشرى

قولوا له إني ماأرتضي بالبدل ( فيه) = لامال قارونٍ ،، ولاعـرش كسـرى

يرتاح … ماغيره ملا عين هاويـه = غلاه – نهر النيل والقلب مجـرى

وأكبر دليل إني إلا {غـاب} أحاتيـه = كم ليلةٍ ماتت /على كف مسرى

وإن قالوا إنه شرق ، وأزريت لا أجيه = وجهت وجهي ، كل مانمت حدرى