الحين هو بخيل ولا أنا موسوسة!!!!

بكتب لكم السالفة واتمنى تنصحوني
انا صار لي شهر مملكة والحمدلله الوضع ماشي يعني موو ذاك الشي اللي كنت اتوقعه من مشاعر وحب وبنفس الوقت مافي مشاكل
يعني فيه تقبل من الطرفين وفيه كلام حلو احيانا
المهم خطيبي من اسرة مادياتها ممتازة وانا بعد الحمدلله
بس أهله فيهم بخل يعني يقصرون على انفسهم عشان الفلوس وكل شي عندهم غالي ومايصلح لدرجة انهم يستخسرون حتى مقاضي البيت يادوووب بس ياخذون اللي يمشي الحال..
المهم انا حسيت خطيبي زيهم يده ماسكة وأكيد مافي حرمة تبغى هالطبع في زوجها
بعطيكم كم مثال وشوفو هو جد بخيل ولا أنا موسوسه
مثلا..مرة كنت معاه ع الجوال ودخل المغسلة ياخذ ملابسه فجأة صار يصيح ويتضارب مع الهندي لأنه قال الحساب 8 ريال المهم قلت له لو تستنى لين تتجمع ملابسك وتوديها الغسيل مرة وحده عشان ماتقعد رايح جاي قال لااااااااااااا بعدين تطلع الفلوس كثيرة وانقهر..
مثلا.. اقوله ليش ماتحول جوالك فاتورة أحسن من الشحن قال لااااااا مرة قبل سنه جاتني فاتورة 500 ريال وحلفت معد أخليه فاتورة….
مثلا .. مرة قلت له ان صاحبتي تخرجت وبشتري لها أيباد هدية بيكلف تقريبا 2500 قعد يتحلطم وليش وغالي ووووو…….

تكفون بنات هو من جد فيه بخل؟؟
طيب اذا كان صدق كيف اتعامل معاه؟؟؟؟؟
مع العلم انو عارف كيف عيشتي عند أهلي وعارف ان الفلوس آخر همنا ولله الحمد..
بنات رجاء لحد يفهم كلامي انه غرور أو تبذير