محتاجه مشورتكم يا فراشات بليييز…

السلام عليكم
كيفكم أخواتي الفراشات انا مسجله من زمان بس ما أشارك كتييير متابعتكم بصمت كلامكم يريحني كتيييير فحبيت أستشيركم
مشكلتي كل ما يجيني عريس ما ارتاح ولا لأي واحد فيهم مع انو مواصفاتهم كلهم كويسه بس لمن أشوفه ما ارتحله ما يعجبني مررره، اكتئبت صرت اكره اليوم اللي حيجي فيه العريس عشان عارفه إني راح انصدم في شكله زي اللي قبله اكون متحمسه وفرحانه واقول اكيد هذا خلاص بوافق ويطلع العكس????
انا ما عندي مواصفات معينه بس ابغا واحد ارتاحله يعجبني ما ادري ايش المشكله هو الخطأ فيني يعني لازم أرضى في أي واحد حتى لو مو مقتنعه ولا كييف ؟!!!
بس كل ما افكر فيها ما أقدر كيف حعيش معاه حياتي وأنا مو مقتنعه، ابغا اتزوج من اللي اتمناه زي كل بنت، مررره تعبت من التفكييير صرت كارهه كل شي ونفسيتي تعبت من الإنتظار
العريس اللي أتمناه وحتى وظيفتي صار ما لي نفس أداوم ????
منها وخايفه من كثر ما رفضت عرسان ما يجي بعد كدا مو عارفه ايش أسوي قبل كم يوم رفضت عريس بس عشان ما عجبني????
انا واثقه بربي انه ما راح يخيب رجائي بس مو بيدي احاول ما افكر في الموضوع بس ما اقدر فتره وارجع نفس الشي..
عارفه إني طولت عليكم سامحوني..
الله يفرج على كل وحده ترد علي ويريح بالها ❗