عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
في شي بخااطري ودي اقوووله لكم
وهو من تجربه شخصيه مريت فيها ولازالت المعانـــــــــاآآة مستمره اسأل الله العظيم بكرمه ورحمته وعظمته ان يفرج ضيقنا ويشفي والدي الغالي ويطول بأعمار والدينا على طاعته وهم في اتم صحه وعافيه
قولواآ آآآآآآآآآآآآآمين(لعل فيكن من دعوته مستجابه وثبت في مسلم وغيره أن رسول الله _صلى الله عليه وسلم_ قال: “إن من عباد الله من لو أقسم على الله لأبره”)
الحين ندخل في صلب الموضوع وهو ان مجتمعنا الخليجي والعربي بعد<< يعني لاتغركم المسلسلات
فيه جفاف عاطفي او نقول فيه عواااطف جياااشه لكن مدفونه والغالب تربى على عدم اظهارها حياءاً او عشان مايقولون عنه ضعيف اوماتعودنا نقولها خااااصة للوالدين
من اللي فينا تقول لامها وأبوها في وجيههم تراني احبكم كثير او اشتقت لكم او ترا انتوا اغلى شي بحيااتي او تدعي لهم مباشره وجه لوجه او تحضنهم بعد ماكبرت او تجيب لهم هديه بدون مناااسبه يعني مو اعياااد
لاتقولوا افعالنا تدل على محبتنا لهم مو لازم نقول و نتكلم او الحب في القلب مثل كثير من البنات اللي سألتهم سواء اقارب او صديقاات
اذكر مره اختي اللي في الابتداائي هي عاااد اآآخر العنقود ودلوعة البيت جات من المدرسه ومعطينها هديه ورده وعلبه فيها خرز واشياء يسوون منها اسااور ماادري اذا تعرفونها
المهم اول ما دخلت البيت راحت لامي واعطتها الهديه والورده ماتتصورون وش كثر أمي فرحت فيها واستانست وللحين محتفظه بالورده بدولابها ولها3سنين
مع ان أمي كبيره يعني في الخمسينااات ماشاء الله لكن تحاول تماشي اختي وتسوي في هالاساور وتلبس ههههه
نجي للغصه الحين وهو ان ابوي لما مرض ودخل العناايه كاان شكله يخووف من الاجهزه والاسلاك وطول شوي هو يعرف اللي يدخل عليه لكن كان ماايقدر يتكلم اول مره شفته انهرت وبكيت وطبعا اكيد ندعي له وهو يسمع بس كان نفسي اقوله اني احبك وان الدنيا ماتسوى بدونك ولازم تقوم لنا واني افتخر فيك واشيااااء كثيررره هذيك اللحظه ودي اعبر عنها واسمعها له وكنت اقووول ياارب يارب لايفوت الاوآآآن والحمدلله بعد ماطلع هههه وراح لغرفة التنويم غثيته والله اول مره بصعوبه طلع الكلام كنت استحي وش اسوي ماتعودنا نعبر عن مشاعرنا ومحبتنا
