عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم خواتي
من زمان وأنا أبغي أنزل هالموضوع وكل يوم أفكر فيه أحس أني تعبت منه نفسياً والله حيل مضايجه
منه احسه شيء مب طبيعي ….
أنا عندي ولدي سواف عمره سنتين أحس انه بعيد عني وما يحبني وااايد أحسه مب متعلق فيني
يعني أحياناً أفكر عادي عنده لو ما كنت موجوده وياه ما أحسه يسأل عني ..
يعني كل أحاول ألعب وياه وأخليه يحبني بس يوم أقوله انت تحب ماما يقولي لا أقوله عطني بوسه
يقولي لا وكلمة لا واايد يقولها على اي شيء أنا مابغي يتعود يقول لا على اي شيء اقوله
أحسه يحب ابوه أكثر عني وهالشيء يحز فخاطري ابغي أكون أنا أقرب شخص لقلبه …
مب عارفه شو أسوي دخيلكم عطوني حلول كيف أتصرف وياه ادري انه هو بعده صغير ويمكن مب
عارف هو شو يسوي بس أنا أبغي أعلمه يحبني يعني معقوله في ولد ما يتعلق في أمه وهو بعده
عمره سنتين..؟؟
كيف أخليه يتعلق فيني ابغي أكون أهم شخص بحياته بس كييييييف؟؟؟؟
