قال ايش ((((مسابقه مصرف الراجحي للسيدات)))

السلام عليكم ورحمة الله وبركاته

انا وحده من المشاركات في مسابقة الراجحي للرسم او بمعنى اصح من اللي العب عليهم ..بعد تأجيل وشيل وحط في هالمسابقه انتهت المسابقه واعلنوا اسماء الفائزات وطبعا النتيجة لا تعلييييييييييييييييييييق!!!!!
اتخيلوا اللي فازت بالمركز الاول بالاصل فنانه وجايه تزاحم خلق الله في هالمسابقه ..المهم ماعلينا
المفاجئه اهي اني رحت اليوم لمعرضهم المزعوم ولاااا لقيتي لوحتي ..واسأل المشرفات الموجودات اتخيلوا يقولون لي(ايه موكل اللوحات معروضه بس 300 من اصل 1200 مدري 1100 يعني صعب نعرضهم كلهم)طيب ايش ذنبي انا وباقي المشاركات اللي زي حالتي ما انعرضت لوحاتهم..لا وحتى الكتيب الي ازعجونا فيه انه بيعرضون فيه لوحات جميع المشاركات مافيه الا يمكن 10 صور (وين المصداقيه يااااااااااامصرف الراجحي )
لا وبعد اللوحات ال300 اللي عارضينها جالسين يسوون عليها تصويت ..طيب والباقي مالهم رب؟
يمكن اي وحده الحين بتقرا كلامي بتقول ايه منقهره واكيد ما عرضوا لوحتها لانها شينه ….وربي لوحتي لو انها ماترقى لمستوى العرض كان ما شاركت فيها وحتى مشاركت فيها الا بعد ما قيمها لي فنان مشهور من معارفنا
حتى في كثييير من اللوحات اللي معروضه اقل من مستوى لوحتي بكثيير يعني ابي اعرف وين الخلل بالضبط
يعني لوحتي الحمد لله مستوفيه كامل الشروط مو مثل بعض اللوحات الفايزه مقاسها اقل من القاس المطلوب
ما اقول الاا حسبي الله ونعم الوكيل ….والله يعوض علي وعلى باقي المشاركات ((وقابلوني بعد إذا عطونا شهادات تقدير لاني زي ما قرات في بعض المنتديات سلموا بعض المشاركات في حفلهم بالامس ))
يعني كل هلاعلانات في هالمنتديات صارلت عالفاضي ودعايه (((للمصرف))
وانا الي صدقنا …نعيش وناكل غيرها