قلبي يعورني..والله بموووووت

أعذروني

ابي افضفض ابي اطلع القهر اللي بصدري

أبي أقول الكلام اللي عجزانه انطقه بلساني

ياعالم ياناس يا يا

يااااااااالله يارب ظلموني الناس فارحمني برحمتك ياقوي ياجبار..

يارب مالي غيرك ياارب

والله العظيم اكتب ودمعتي مو قادره توقف

أنا جالسه بشقتي حزينه ومكتئبه ودموعي ماني قادره اتحكم فيها

منهاره وزواجي بعد اربعه ايام بس مو قادره استوعب ليش هالناس هبت فيني

تخيلوا

أختي اللي عايشه بمدينه ثانيه زوجها منعها تحضر زواجي
أختي الكبيره القريبه لي اللي زي أمي

وهو بالعاده يخليها تجي لنا بالشهر والشهرين وخلاها تحضر زواج أختي وتجلس قبل الزواج ب3 أسابيع
وأخوي زواجه قبل فتره خلاها تجلس على كيفها
ويوم جاء زواجي منعها تحضر زواجي مع انها بتقعد كم يوم بس وبترجع له الله لايوفقه أنا مجروحه هذي أختي الكبيره محتاجتها بهذا اليوم توقف جنبي
انجرحت وسكت لاني خفت عليها ينهدم بيتها
لأنه قال لها:اذا بتروحين لاترجعين..خليها تتزوج تروح وانتي صفي مكانها مطلقه

ليش

ليش

ليش

أنا مابيني وبينه شي ولا أحتكيت فيه شخصيا..

يعني انا بالنسبه له شخص مجهول..

سكت وبلعت موس وانطميت وماكان معي أحد ولا أحد وقف معي
أمي يالله بنفسها كبيره وتعبانه ونفسيتها مرررره
مابي ازود عليها
أختي الثانيه اللي أصغر مني متزوجه السنه اللي فاتت ساكنه بالدور اللي فوق باب شقتها بباب شقتي بس انا وياها بالعماره
يعني مافي احد ساكن معانا
أنا أمس طلعت ارتب اغراضي لشقتي ولاول مره
دقيت عليها الباب بشويش دقه عشان تعرف انه انا

أبيها تجي بس لاتسوي شي بس ابي احس ان عندي خوات فرحانين لي وواقفين معي ابي اشوف احد يرتب معي اغراضي ويفرح لي مدري بنات تعرفون اكيد فاهمين احساسي…
طلعت اختي قالت:ابي انوم بنتي واجيك..

ولاجت… ماجــــــــــت..ماجت

والله ماحسيت احد فرحان لي ولااحد شايل همي ولا احد ساعدني دمعتي على خدي وانا ارتب اغراضي وربي انتبهت على نفسي وانا بلوزتي غرقانه دمووع بشكل فظيع عيوني متنفخه من كثر البكي
احساس فظيع ..صديقاتي ثلاث بس معذورين ثنتين خوات توفت جدتهم قبل اسبوع..ووحده مسكينه يتيمه وبعيد ماتقدر تجي وتوقف معي!!

الييوم ..
طلعت ومريت أختي ودقيت عليها جوال وربي مالمست بابها
ودخلت شقتي
أختي ماردت علي..رجعت اتصلت عليها ابي ابي بس احد اتكلم معه

بعد شوي جاتني وهي مرتبكه ووجهها مدري شفيه قلت: وش فيك؟!

قالت : تعبانه مانمت من البارح ابي اجلس معك شوي واروح انام
قلت: لا اذا تعبانه روحي ياقلبي انا ابي بس تقعدين معي..

تفاجأت بعد شوي بباب شقتي ينضرب بقوووه فظيعه
قلت : مين وأنا مصدومه وخايفه

سمعت صوت زوج أختي يصارخ ويقول:

يا…<<يقول اسمي
فكينا من شرك أعوذ بالله منك أعوذ بالله منك..أزعجتينا..

يأما تدقين الباب والا تتصلين خلاص فكينا منك

تعالي انتي<<يقصد اختي.. ياللي مهمله بنتك وبيتك وجالسه عند ..

وقال كلام زي وجهه..

لا وساكن بعمارة ابوي ويهيني!!

انصدمت انجرحت بكيت وللحين أبكي..
عاد نفسيتي دمار اساسا

أول مره أحد يتكلم معي بهالطريقه المهينه
وربي فوق الجرح حسيت بنفسي ولاشي..

ليش ليش ليش وربي اني ماسويت شي لهم
وربي اني أمشي حالي حال نفسي ابي الستر بس
وربي ماتكلمت ولاسويت شي غلط ولا أذيته
وربي اني دايم اقول لاختي تهتم ببيتها وزوجها وو تحافظ عليه
ليش ياعالم ليش ياناس يصير لي كذا
وربي من يوم جيت لشقتي اني مادقيت الباب غير مره وحده بس
والأتصال على جوال اختي ماأذيته بشي
أنا لاحظت على أختي ان زوجها مااشترى لها فستان لزواجي
ولاسوت لزواجي ولاشي نفس وضع اختي الكبيره زوجها رافض يوديها حتى السوق عشان تشتري فستان لزواجي ورافض حضورها اصلا

وربي اني انسانه حالي حال نفسي
ماأذيت أحد ابدا ..ولاراح يصير ان شالله

بس ليش يصير فيني كذا

أنا عروس كسيره حزينه وربي اتمنى لو فيه شي يشيل هذا الجرح اللي بقلبي ..

قررت ماراح انزف ولا راح أطلع من شقتي بلبس فستاني وبجلس وماراح اسوي اي شي..
وربي مادري اشلون اوصف لكم الألم الكبير اللي بقلبي

ماعاد أتحمل خلاص..

أبي شي يخليني أهدي الحزن شويه بس..

اللي زاد الطين بله انه أخوي الحبيب أغلا ناسي ماراح يحضر بعد..
من غير شر
هو بعيييد مرره ورفضوا يعطونه أجازة من الدوام
قاعد يلمح لي امس ويقول: بحاول..

بمووووووت من الحزن والقهر ياررب ارفع عن قلبي معاد أحتمل

في أهم يوم بحياتي محد معي لاصديق ولا أخو ولاحتى عدو
أبي لو عدو يجاملني بس راضيه .. أبي أحد معي ..

مدري ليش قاعده أقول لكم هالكلام
بس ابي أفضفض شوي..

سامحوني طولت عليكم..

أدعولي الله يوفقني مع زوجي ويغنيني عنهم كلهم..