عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ياعسى آيآمكم سعآده ورضى
بغيت اقولكم عن قصتي مع اقرب شخص صارت لي بسنه عن الكون كله اعطتني وتقربت لي بشكل ماتتخليونه صرنا اكثر من روح المهم كنت معها بمواقف كثثثثيره وكثير كنت اتعب نفسي عشانها وحتى اهلي وربي اتعبهم بس اقول لانها هي وفجاءه انصدمت مره كانت مخليه لابتوبها عندي قريت بالصدفه محادثها لها مع وحده نعرفها وتصير صديقتها اكثر انا معرفه قثط تخيوا تسبني وتكذب علي بكلام ماصار وقتها عجزت انام ذاك اليوم والسالفه هذي كانت من شوال الماضي ورحت لها ووديتها الابتوب وهزئتها وبعدها صرنا ع رسايل تكلمني وبعدها رضيت عليييييييييييها تدرون ليش ..!!!
بصرآحه لانه سبب يقنع اي احد مو بس انا اخر شيء كنت اقولها خلاص بخليك
قالت لي بالحرف تخليني وحتى لو عرفتي اللي فيني طلع سرطان ..!!! هنا وقفت الحروف والكلام وطبعا عشان مالخبطكم هي من قبل برمضان كانت تقولي انه فيه ورم بكتفها ماتدري من وش ومتعبها المهم رحت لها البيت وبديت معها العلاج اقصد هنا النفسي وحتى سويت المستحيل واذا تذكرون الموضوع اللي كتبته عنها بنزله لكم الاغبيه قراه وبعدها ولله الحمد بشرتني انه بعدها فتره راح منها وتشافت بعد علاجات طوويله صارت تتعاالج والحمدلله
المهم بدت تتغير علي وصرت اعجز اصدقها صارت فجوات كثير بييننا تخيلوا كثير كنت ادق عليها وهي ماتفكر حتى تدق ارسل وبالموت ترد ع الرساله جد تعبت كثير بدايه علاقتي معها هي علقتني فيها سنه كامله مره ماتتخيلون كيف حتى اهلي مازورهم كثرها جد كانت علاقه غريبه وبعد سنه صارت تفككني منها وكثير كنت اقوله اذا وجودي مضايقها خلاص نفترق وترد علي تقول مو انا اللي ينسى او يترك
المهم واستمريت ع هالحال والله يابنات مابي اطول بالكلام بس جد كثير اشياء سويت لها واعطيت وحتى تزعلني وانا اراضي نفسي بنفسي مددري كيف اقولكم ماحبيت ابد افترق عنها وهي وعدتني تبقى معي ع طوووول وقالت لي بالحرف انها مابتتزوج لحد مااتخرج انا من الجامعه
وفي يوم من الايام قالت لي وحده من البنات تدرين فلآنه بتتزوج !!
تخيلوا ادري ومن الناس انها بتتزوج جد كانت صدمه ويوم كلمتها قالت كلام بس مو خطبه رسميه
بعدها بفتره تمت الخطبه وقالت لي انه صار شيء مو بييدي << بيني وبينكم استغربت
المهم قبل زواجها بفتره بسيطه كنت اكلم اختها في يوم واختها من النوع المتدين ماشاء الله وقلت له اسالك بالله تجاوبيني بصراحه قالت طيب قلت لها اختك احد غصبها ع زواجها
استغربت قالت لا واسااسا كيف تقولين وانتي تعرفين طبع ابوي مستحيل يجبر احد ع شيء فما بالك موضووووووووع زي كذا وتقول استغربت انه انتي اللي تقولينه
ماتعرفون كيف كانت علاقتي معهم كنت زي بنت من بناتهم حتى يقلون لي اني من العائله
المهم غصيت بها بنفسي وسكتت وقلت مابضيق خلقها عشان زواجها وعجزت ياناس كنت اموت اعطي واضحك وانا قلبي مجروح فاهمين احساسي كيف ؟؟؟؟؟؟؟؟؟؟
المهم يوم قرب زواجها قالت لي ابيك تحضرين الزواج وترقصين فيه مع اني ماكنت ابي هالشيء بس قلت ان شالله
حضرت ورقصت وهي كان لها اخت صغيره مره متعلقه فيها واذكر اول اذا جينا زواجات كانت تمسك يد اختها وترقص معها يوم زواجها رقصت وخذت اختها الصغيره ورقصت معها وانا ماسكها يدها واغلب الوقت كنت اجيبها معي حتى اختها مابغيتها تحس انها بتفقدها شلت شيء والله جبال ماتشيله ثقل بالحيل كبير
وهي بزواجها قالت لي انها مابتكون بالقاعه بتكون بشقتها
تخيلوا بنات ماتحمسست قالت تعالي لي هناك انا بغيت منها وماقالت المهم مره قلت لها وقالت تعالي وماللحت ولاشيء لاتقول لي لازم تبينها تنذل عشان تخليك تجين لا انا بغيت احس بها تطلع من قلبها
لان انا قلت لها ودي اشوفها قالت تعالي !! شيء يجرح صح ,
يوم زواجها المغرب لبست وكلمت اختها قلت شخبارها قالت بخير قالت ماكلمتيها تباركين لها قلت لا قلت طيب اعطيني ااياها المهم اعطتني وكلمتها وبارك لها وقلت لها اعذريني مااقدر اجيك مافي احد يجيبن لك
قالت عادي خيره تخيلوا قلت لها بشوف تحاول اني اجي اهمها مثلا ماتوقعت ابد ردها غصيت بها
وسكرت وشوي بنفسي قلت ليش مااصير احسن منها هالشيء مره بالعمر وماراح يتكرر مابي بعدين اندم اني ماشفتها ليله زواجها ورحت لها وشفتها وسلمت بس وطلعت عجزت كنت اختنق بس سويت اللي علي
ونسيت اقولكم حاجه انا من عرفت انها انخطبت وتملكت والى قبل زوجها ماقد قلت لها الله يوفقك
بليله زواجها ارسلت رساله ع جوال اختهاوقلت امانه خليها تقراها قلت لها قولي لها اني اقولها الله يوفقك ويسعدك وين ماكنتي << وكتبتها بعد قلت اخاف انها تبيها مني وماقلت لها بريحها
* ممكن بعضكم بيقول ليش كل شيء ع جوال اختها انا اقولكم بعد ملكتها بفتره قالت لي ان ترى جوالي مو معي ببيعه بجيب رقم ثاني وبعطيك لاتدقين عليه
ويوم كلمت اختها بنفس ذاك اليوم قلت لها جوالها وينه قالت وينه يعني معها قلت عشان ماتشك بس اللحين قالت قبل شوي نزلت تحت وهو معها وين يعني وانتي تعرفينها ماتمشي مكان الا الجوال معها
طععععععععنه ثانيه الى قبل زواجها وانا معها ولها كل اللي تبي مااحبها تقول متضايقه وانا اللي صرت لها كل شيء يكذب علي بها الشكللللللل !!!
آآآآآه بس
ووقت الزواج كانت فيه صديقتي اخت صديقتي تكون بعد صديقه لها بس اخت صديقتي متمشكله معها تقولي انها كلمتها قالت مقدر اجيك بالشقه تقول انها جلست تهاوش تقول لا تعالي ومدري ايش وتحاول بها قلت ع وين كلمتها قالت ع جوالها قلت اي جوال قالت جوالها هي فيه غيره يعني قلت لا بس اسال
تعررفون شلون الجرح تعرفون وشلون الطعنه والذبح
صديقتها هاللي تترجاها ومعها جوالها تكلمها دايم تراها من زمن مع انهم كانوا مع بعض صديقتها هذي تركتتها وسحبت عليها ونستها وكانت اول تكلمني تبكي وتشكي منها
واللحين انا اللي اعطيت وسويت كل شيء لها ماتبيني اكلمها وماهمها حظوري !!!!!! كيف تنفهم هذي ياناس\
هي تزوجت بشهر 8 ومن بكرى زواحها ارسلت لها بعد رساله ابارك لها وكمان ماردت وبقيت قلت الباقي منها وبعد باسبوعين تقريبا دقت وعادي ماكنها من زمان عني سلمت قالت امي تقول تعالوا في استراحه كذا << مسوين عزيمه لها << المهم قلت لها مااظن مدري قالت اوك مع السلامه تخيلوا حتى كلامها تحسينها رسميه وقالت امي تقوله ماقالت تعالي بشوفك ولاحتى مرت علي انا لحد هنا وسويت اللي علي وزياده كفاييه اجرح نفسه انهيتها هنا
تخيلوا مر رمضان الناس تتهنى فيه وحتى الاعداء يتباركون فيه وماجاني منها شيء لامسج ولامكالمه
والعيد كمان واللحين بشهر 10 حنا ونفس الحكايه
والمشكله انها هي اللي علقتني بها ببدايه علاقتي كنت عادي معها هي الي صارت تدق باليوم كذا مره والرسايل شغاله بالدقايق وهي اللي تنسحب بهدوء ومع هذا الى اخر لحظه كانت تحلف تقول انها تبيني واني جزء من حياتها وصرت زي بنتها واختها وصديقتها لييييييه سوت كل هذا طيب
تدرون من كثر اهتمامها فيني كانت تقولي احيان احسسك بنتي تتخيلون !! جد علاقه غريبه مدري كيف بس اللي عرفته انها تذبح
كم ليله شكت وبكت وهي كانت تكلمن يوم مرضها ماكان يسمع اهاتها الا انااااااااااا حتى اهلها ماصاروا لها بقد ماصرت لها اذا تضاقت فرحت حزنت مايسمعها الا انا
كنت ابكي واسمع صوتها تتالم وماكان معها غيري كنت اذبح نفسي عشان اشوف ابتسامتها شيء بجد مايعقل ,,,,,,,,,
مدري شقول ومدري شخلي بس لو تجي اللحين ع بالي بس دعاوي عليها لاتقولون حرام وربي جتني فتره النوم مااعرفه وربي كنت ابكي لحد مايصدع راسي وانام واحيان كنت افز من نومي مخنوقه ع ذكراها ادعي عليها لحد مااهدى وانام واللي اعرفه اني مااقدر اسامحها لادنيا ولااخره اللي جاني وربي مو شويه والكلام غير والاحساس اللي ذقته وعايشته سنه كامله وساكته ومخبيه بقلبي واعطي ولاازعل وهي تكذب من وراي شيء ثااااااااااااني
و ع فكره للي ماشافوا موضوعي يوم اكتب عنها العام نفس الوقت هذا يوم يجيها المرض بهالرابط
http://satfrequencies.com/girls/alfrasha28/thread1083367/
وهذا موضوعي الثاني اللي كتبته لكم بعد يوم تشاااااااافت
http://satfrequencies.com/girls/alfrasha28/thread1233818/
مدري شقول صراحه لو اتكلم من هنا لبكرى اللي بقلبي كله ماراح يطلع بس حبيت اتكلم شوي لاني انخنقت وضاقت علي دنيااااااي وحتى احس عجز صمتي عن الصمت نفسه
آسفه ادري طولت عليكم بس وربي من الضيق ودي اقولكم اغلب الاشياء عشان تتعايشون معي
وحسبي الله ونعم الوكيل ………..
