عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كيفكم يابنات؟ إن شاء الله ربي يسهل ويهون علي وعليكم أجمعين
بنات سالفتي ومافيها إني يوم الخميس الماضي اكتشفت إني حامل في الأسبوع السادس وطبعا أنا بكريه وما أعرف شي أبداً عن أمور الحمل!!… المهم أنا الحين في لندن أدرس وطبعا أضطر إني أمشي مسافه تقريبا 40 دقيقه كل يوم مشوار الجامعه… وبما إني توني في بدايه حملي ما عندي فكره هل المشي آمن للحامل خلال الثلاثه الشهور الأولى وإلا لا؟!!
والله إني محتاره مرررره وفي نفس الوقت خايفه!!…وزوجي طبيب بس ما عنده خلفيه بصراحه عن الموضوع ويقول يمكن يأثر ويمكن لا؟ وسألت الطبيب اللي أتابع معه الحمل … وخبركم بهذولا الإنجليزيطفشون و رد علي ببرود إذا تعبتي لاتمشين >>> حسيت إنه ما إهتم وبصراحه قلقت زياده … مع العلم إني أحس بإرهاق وتعب خفيف والحمدلله
إستخرت ربي بس بصراحه أنا ما أبي أضيع هاذي السنه علي >>> أبي أفتك من الدراسه وأخلص سنه
الله يسعدكم ساعدوني واللي لها تجربه أو عندها فكره لاتبخل علي وتطمني
وسلامتكم
