بنات عنيزة ابغاكم ضروري

كيف حالكم؟

ان شاء الله مبسوطين ➡

اخيتكم حامل وبكريه

وبعد كم يوم ادخل التاسع يعني يبدء العد التنازلي للولادة

وبصراحة تعرفون البكريه تخاف ما تدري وش السالفة 😉

عشان كذا ودي أسألكم من جربت الولادة بمستشفى سعود

وكيف كانوا معها وقت الولادة ومن الدكتور او الدكنورة اللي ولدتها؟

يعني زيني اولد عندهم

او اولد بالبيت احسن<<<<<<<< من الخوف ماتدري وش تقول 😡 تحسب نفسها بزمان جدتها

لاني انا لما تعبت ببداية الثامن دخلوني لقسم الولادة وكان اول يوم الدكتور جمال

حسيت انه طيب ورحوم وكان يطمني ويسأل عن حالتي ووصى الممرضات يهتمون فيني

بس ثاني يوم جت الدكتورة امل المصرية زوجته على ما اظن بس شتان بينهما

وبصراحة تخوف واحس ما فيها رحمة

تهاوش وكلها جفاسه الصدق خايفه انها تكون هي وقت ولادتي ما ادري وش بسوي

بنات الله يخليكم ردو علي مو تقرون وتطنشون

وآسفه صكيت روسكم بقرقي