عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لكل مخطووبة ولكل مملكة وميتة في زوجها او خطيبها وفي احاسيس ولهفة وشوق 
حابه افضفضلكم شويه وتعالو ادوني رأيكم .. 
والله قبل شويه خطيبي مكلمني يقولي حلمت فيكي حلم حلو ودايما يقولي ومره مااهتم هو يكلمني على المسنجر مسكين من عملو ويحكيني ومتحمس
وانا اقرا في المنتدى ومطنشة وبعد فتره ارد اقولو ها حكيني ايش حلمت:) وماني حاسه اني مهتمه
ياجماعه مقهورة من نفسي احس مافيا ذرة مشاعر 
مافيا اي احساس كانو شي روتيني وبيحصل وبس هو متحمس للملكة وانا عاادي
خلوني اتكلم بصراحه ممكن لان بصراحه كانت عندي علاقة قبل الخطوبة فالعلاقات دي خلتي استنفذ كل طاقات الحب والمشاعر … كنت كده مرهفة الاحساس ومررره اشتاق ومره احلم كثير
دحين مجرد اخد المواضيع جد وبس
ماانكر اني احبه بس من غير لهفه واحساس .. انا قاعده اصبر نفسي اقول يمكن لانو دحين فترة خطوبة يمكن بعد الملكة ححبو مره اكتر واتجنن عليه
المصيبة هو مرررررررررررررررررره مجنون فيا ويبغى يعمل كل شي عشان يشوفني مبسوطه بس ماادري ليش احس انا نفسي انانية تجاهو
اااااااااااااااااااااااااه قلبي تعبان مررررررررررره مايستااهل اكون كده معاه
والله انصح اي بنت تقرا موضوعي تبتعد عن اي علاقات ولاتدي حبها لاي شخص مايستاهل
حجي اليوم الي تندم زي وتلاقي الحب انتهى في قلبها لما لقيت الشخص الي يستاهل واكتر انسان لازم تحبه وتدي كل شي يتمناه وتقدر تسعدو
والله احاول اكون معاه جدا طيبة واعمل كل شي بس مقهووورة من احساسي البااارد تجاهو
اااااااخ حاسه اني حبكي طمنوني قولولي بعد الملكة اكيد ححبو صح؟؟
