قصة وفاة ابوي

بنات فى تاريخ 13-10-2009

الصبح انا كنت فى المدرسة وامي وابوي واخوي الصغير فى البيت لان اخوي تعبان

فا امي قالت انا بروح ازهب الغدا وابوي قال حق اخوي تعال انروح بيت عمتك وراحوا عااد قبل مايروح راح الجبرة

وشرى سمك ووداه بيت عمتي لان كان خاطره فى سمك وقال للخدامة سوي لي سمك مقلي وتم يعلب مع ولد عمتي الصغير الي عمره سنتين ونص ……..

وابوي اخذ اخوي ووداه المستشفى لانه تعب اكثر من قبل فأخذه ابوي المستشفى والحمد الله عطوه فى المستشفى دواء لكن صار احسن بشوي من قبل

وبعدين رااح بيت عمي يسلم عليه والله احس انه كان حاس في نفسه انه بيفارقهم ❗

وبعدين رجع بيت عمتي وفى ذاك الوقت عمتي جات من الشغل وعمتي كانت فى الصالة وابوي كان فى الحديقة الي فى الحوش

صاده تشنج فى اليد اليمنى والله يابنات تم يصارخ وعمتي جاات ومسدته بلزيت وفى خلال 5 دقائق ابوي صاده تشنج كامل والله انهم جابوا شرشف على الارض وتموا يمسدونه

وبعدين ابوي عيونه تقلبت ونبضه خف وتمت عمتي تصارخ تقول ………… بيموت …………….بيموت والله انه اخوي الصغير كان شوي ويضرب عمتي لانها تقول ابوي بيموت وفى خلال نص ساعة جااو الاسعاف وتموا يعطونه تنفس اصطناعي لمدة ساعتين والله انه رجع نبضه خفيف وودوه المستشفى

وبعدين انا جيت من المدرسة وجفت الكل مجتمع قلت لهم اشدعوة الكهرباء عندكم مقطوعة تموا يضحكون اله امي