يارب ارجو مغفرتك لي وله

ماااااابي الا اني اتكلم

انا حبيت… إنسان كان كل حياتي…. غيرني للأفضل كان يتصل يصحيني للصلاه

ترك اشياء كثيره عشاني((شغله مع انه مرتبه بس لأني قلت لا بكره لما نتزوج مفكر بقعد يوم ماشوفك مستحيل)) تركه وضحى بمكانه اجتماعيه عاليه ومنصب كان ينتظره وبعثه كله عشاني

كان حلمي وحلمه اكون جنبه… لكن كان فيه ظروف اولها مرض والده…. وتوفى ربي يغفر له بعدها كنت انتظر والدته تخلص من العده وحددنا وقت الخطبه وكان بشهر 8 اللي فات لانه بيكون باجازه

سبقها فتره انقطع عني اسبوعين كانت من اسؤ مرحله لاني ماعرف له ارض من سماء جاء ببالي الف راي وراي وبعدها لقيت منه مسج تفكريني اتهرب منك لا وربي لكني تعبان رديت بمسج ندمت عمري كله عليه قلت اكيد هاذي حججكم تتهربون على العموم كل شي واضح بس حلو كل شي وله نهايه

وربي يسعدك……. ما لقيت الا هو يدق ويبكي وقالي يافلانه تعرفين انا وين …. وكنت ارد بكل وقاحه بتكون وين يعني قال انا بالمستشفى…. وذكرني بالم اذنه قال صارت تمتلي صديد ما تلاحظيني اتكلم بصوت عالي سمعي بدا يضعف وصداااع صداااع هدني وبكيت…. وبكى من بكاي … وقال انا عاذرك فرحتك ما هانت علي اكسرها بس هم منوميني عندهم كم يوم… وفرصه تستعدين بس من اللحين اقول لك من المستشفى للمطار لعمي( يعني ابووي) …. المهم تنوم وتحليلات وطبعا من الاسا ممنوع من الجوال بس عشاني كلمني وعطاني تحويلته بالمستشفى بس كنت ادق واطمن واقفل

طلعت نتايج التحليل كانت سليمه ( طبعا مستشفياتنا الله بالخير) لكن ما تحسن سهر والم وصداع بدا اللي حوله يلاحظون تعبه المهم اصريت يرجع او يروح لمستشفى ثاني مو معقول …. راح لثاني وتنويم يومين وتحاليل وكل شي سليم ويطلعونه ….. بس بدت الحاله تزيد استفراغ الله يعزكم ودووخه شديده…. طبعا ما صار يداوم ولا نكلم بعض اياام ثقيله كنت خااايفه افقده … والله يدق وهو يتألم يقول مقدر لا تلومني وصرت اقفل جوالي عشان لا يدق…… ومع ذلك يرسل مسجات,,,,, ومقفل جوالي ….. فتحته بعد كم يوم لقيت ابيك ضروري تكفين ردي…… لاني كنت حالفه مارد وهو ممنوع وصحته الزم مني….. وماكنت ارد …… بعدها ارسل انا اليوم مسافر تكفين انتبهي لنفسك……
هنا جنيت … ودي اعرف لوين … أو على الأقل وش صار وش جد….. صرت ابكي وطبعا اسووي نفسي نايمه عشان اهلي…… لقيت رقم غريب يدق وربي مت رعب….. اتوقعت احد بيقول لي شي مو زين….تعرفون الواحد اذا حس بالم الضمير…….طلع هو متصل من المستشفى بمصر وكان يكابر انه طيب ويضحك ويقولي واو والله ما اتوقعت مصر كذا ……قووومت الدنيا تسافر وتنبسط وانا هنا احترق طبعا هو جلس يضحك وقال…….تتوقعين انتي بقلبي وعيني واشوف غيرك الله وحده يعرف وش كثر حبي لك … انا من طبعي استحي منه ماعرف ارد…. وقالها أنا أحـ…… وقال انا بديت اسووي تحاليل وراح ارجع بعد بكره لانه خلصت اجازتي والا ما تبين فرنسا وفيلا على البحر قلت مابيهم قال ليه انخطبتي لولد عمتك( كان متقدم وهو يدري) قلت لا بس ابيك انت بالدنيا انتبه لنفسك وصار يصرخ يقول اخيرا اعترفتي لو ادري تعبت من زمان…… بصووت عالي وسكرت الخط لاني من جد تعبت وصرت ابكي

رجع وقالو بيسون زراعه للعينه اللي خذوها بتاخذ وقت وقالو بيرسلونها فاكس لو ماقدر يجلس 20 يوم طبعا ماراح يجلس عشان شغله……والتزامات كثيره صار عليه بعد والده البيت واهله المهم رجع تحسن فتره … وبدت مشاكل الورث ورغم ذلك بدا يخطط اني اكون له يخيرني اختار وين ابي بيتنا باي حي.. يشاورني اذا يبغاني اخليه يأم المصلين هالسنه بجامع الحي او لا لأني كنت اغار وكثير يعطونه من اهاليهم… ماشاء الله عليه مميز ومحبوب بعمله … بتقولون إمام مسجد ويكلمك …. وربي انا ماعرفت غيره وهو ماعرف غيري ورجاء لحد يجرح لاني ماعرف وشلون صار كذا وانا بصدري القران.. كان يسمع لي وردي ويصحح اغلاطي…. المهمحددنا تاريخ 15 / 8 يعني بعد شهرين من تاريخ التحليل بيكون هو باجازه ومتفرغ وعلى اساس العيد يكون الزواج …..

اتفاجأت بمقطع حزين ومسج وسائط….. هو اذا اتضايق غالبا يحاول يبعد ويرسل فقط…… دق وقال زي ما كنت حاس وخايف ابي تنتبهين لنفسك وتوعديني…. قلت وش صاير قال مستشفى الرياض ارسلو لي يبوني ضروري وطلبو احد يجي معاي يقول انا رحت لوحدي وماقلت لأحد والله 3 ايام ما نمت بديت ابكي قلت كذابين لا تصدقهم انتظر تحاليل مصر …. قال نفس الشي دقيت قالو لازم تجي وماراح يرسلون النتيجه انا مريض بالخبيث وجلس يبكي واقسم مادري وش صار فيني ما بكيت وصرت اهاووش اقول وين ايمانك كذا تضعف … انت وينك من الصبر ….مادري من وين لي هالقلب…..بنات تعبت بكمل بعد ما ارتاح

المهم بدت رحله العلاج….. وهنا عرف اخوووه صار يرسل لي فلان بالمستفى اليوم الجلسه رقم كذا تحسن … سآت حالته وانا كنت ادق بنفسي واسال لاني بديت اتعب بعد سهر شحووب جوع …. اوقات ما يكون خف شووي اول شي يفكر يدق علي….

اللي ذبحني انه دايم يقول افكر فيك اكثر من نفسي …. هنا بديت اخاف عليه اكثر وطلبت يفكر بنفسه ووصيته بالاذكار يوقرا الاذكار ويراجع حفظه ويناساني لا شعوريا صار يودعني

ويوصيني على نفسي….. وطلب اسامحه لانه خذلني…. ووصاني اتزوج واسمي ولدنا. بنفس الاسم اللي كنا مختارينه… وتسامحنا من بعض وحسيت اني ارتحت بهالقرار ولو انه متأخر

برمضان بالعشر الأواخر عرفت انه توفى مسج من اخوه من نفس جواله ……..وتأكدت بعد ما دقت علي زوجه اخووه( اللي كان يعرف عننا)) والله انها ذبحتني بكلااام كثير قالته

ومع ذلك ماني مصدقه دقيت على المستشفى وتأكدت واحسهم كذابين احسه حي وربي ادري اني اذبح نفسي بس غصب عني…..بضحكتي بصوتي بعيوني … حتى لما افكر اغفى

احسه معي موجود…………..ماني قادر اوفي بوعدي واكمل حياتي ….. وماني قادره اشليه من بالي