سؤااااااااااااااااااااااااال مهم وضروري عن النزيف قبل الولاده وبعدها.

مرحبا ياأحلى فراشات ,, وحشتوووووووووووووووووووووووني مووووووووووووووووووووووت
حبيباتي حبيت أسألكم عن النزيف قبل الولاده وبعدها ,, آنا بولادتي الأخيره ولدت قبل موعدي بأسبوع أيام مع العلم ان كل ولاداتي قيصريه 4 ولادات كلها قيصريه المهم بالولاده الأخيره جاني نزيف وتنومت بالمستشفى علشان أكون تحت الملاحظه الدكتور سوالي سونار علشان يشوف المشيمه يمكن يكون النزيف منها لما خلص قال كل شي طبيعي والمشيمه بمكانها المهم جاني من باجر وقال بأسويلج منظار علشان أشوف إذا كان عندج التهاب بعنق الرحم طلع مافيني شي الحمدلله الدكاتره احتاروا بأمري المهم خلوني عندهم لحد ماوقف النزيف وكان يوم الخميس لما جاني الدكتور قلت له أبي أطلع قال مومشكله بس راح نجدم موعد الولاده تخوفا من اي نزيف ثاني المهم طلعت الخميس الصبح وبالليل رجعت المستشفى لأن جاني نزيف موطبيعي بالمره عزكم الله الدم انهد علي بصوووووووووووووووووووووووره تخوف كأني فاتحه حنفيه المهم ولدوني على طول ولما صحيت من البنج قال لي الدكتور ان المشيمه كانت منفصله تماما عن البيبي بس الحمدلله لحقنا عالبيبي قبل لايموت ((ألف الحمدلله ياربي)) المهم بعد الولاده النزيف ماوقف إلا الشهر اللي فات بتاريخ 16/7 تخيلوا من تاريخ 13/4 والله كنت احس اني نشفت بالمره وصحتي بالنازل بس الحمدلله على كل حال ومن نظفت من النزيف لحد ألحين مانزلت الدوره وآنا خايفه من اني أحمل مع اني سويت تحليل حمل بالبيت طلع مافي حمل وآنا خايفه أسوي تحليل دم وانصدم بالنتيجه تهقون الأمر طبيعي ان ماتنزل الدوره عقب النزيف اللي جاني؟؟؟؟ تكفون أبي ردودكم بسرعه ضروري ياجماعه مالكم شغل بالتوقيع لأني مووووووووووووووووووووووووووووووووووووووووووووووووو وووووووو حامل.