شغالتي حسبي الله عليها!!!!!!!!!!!!!!!

بسم الله الرحمن الرحيم
خواتي الفرشات ابدخل بالموضوع بدون لف اودوران …القصه وما فيها بدأت يوم الأحد الماضي…….
عندي شغاله فلبينيه شاطره موت ونظيفه نظاااااافه خياليه لكنها قويه مره قويه واذا طلبة منها طلب عطتني ظهرها قبل ما اكمل كلامي ولا حتى تقول حاضر ..المهم كل ما اقولها شي قالت ترا ابسافر للفلبين (يعني تهددني )المهم
انا ما قصرت كل شي جبتلها وسفرتها على حسابي معنا مرتين برا السعوديه وديتها المطاعم معنا والأسواق وكل شي يخطر على بالكم سويته لها ما عدى (الجوال -والبناطيل )كنت رافضه.. صار لها عندي سنه وشهرين وحنا على هالموال ماتبغى احد يناقشها ولا حتى يقولها شي ودايم تصرخ على بناتي مع العلم ان مسؤولية بناتي علي بالكامل ..يوم الأحد الي فات هددتني كاعدتها وقالت ابسافر وانا انفجرت فيها على قولتهم (اتقي شر الحليم اذا غضب) وكلمه مني وكلمه منها قالت ماني مشتغله وزوجي كان مسافر قلت لها اذا مانتي مشتغله الحين اطلعي برا بيتي طبعا ما رضت المهم جلست 4 ايام تنزل تاكل وتحلي بمارس وشبس وتطلع فوق تنام وانا صراحه انقهرررت وصرت انام انا وبناتي في غرفه وحده خايفه عليهم منها وزوجي مسافر ..بعدها جا زوجي ووطلع اكلها وشربها طول 4ايام من عينها وسفرها بطريقه شفت غليلي منها ..
وعلى فكره تقول انها مسلمه وهي ما ترضى تصلي عطيتها سجاده وشرشف وقرآن وكتيبات ولا فيه فايده ..
مشكلتي الحين من دون شغاله وعندي 3اطفال فوق بعض وبيتي مررررررررررررررررررررررررررره كبير ودايم عندي ضيوف ينامون عندي بثلاث والأربع ايام ويروحون ..وانتم عارفين جو الرياض والغبار ..حاولت وحاولت ما قدرت الحق على الشغل والأطفال ..نفسيتي تعبت اهملت نفسي وانا ماني متعوده على اهمال نفسي ..وانا معوده زوجي على اشياء الحين مو قادره البيها له ..
ارجوكم ساعدوني قصرت بحق نفسي وبناتي وزوجي وبيتي ماني ملحقه على شي منهم ..
الي تعرف شغالات مؤقتات (مضمونات) تعلمني ..ارجوكم ابي حل ..
وايش رايكم بالنيباليات اقدم على وحده منهم والا لأ..