عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
حبيباتي كيفكم اتمنى انكم بالف خير
بصراحه ولدي بعد ولادته باسبوعين او ثلاث بدات قشرة الاطفال بالظهور في راسه قلنا مرحله وتعدي مثل باقي الاطفال لاكن تفاجات ان القشره ماراحت منه حتى مع الزيوت صرت احط له زيت يوميا ومجرد اني يوم انسى مااحط الزيت الاقي شعره بدات فيه القشره بالظهور مره ثانيه بصراحه تعبت وسمعت ان في كريم لقشرة الاطفال اللي تعرف اسمه ياليت تخبرني عنه وكمان ولدي لاحظت ان عنده جفاف بجسمه وخدوده جفت مره لدرجة صارت لونهم احمر وكانهم انحرقوا فاعطانا الدكتور كريم مرطب ومع الاستمرار راحت لاكن فتره ترجع ولو مااحط الكريم تزيد مره فيمكن هذا له تاثير على راسه يعني ان جسمه جاف او بشرته جافه علشان كيذا القشره ماهي راضيه تروح منه بلايييز طمنوني
ومعي مشكله ثانيه بصراحه ناويه ارضع ولدي اطول مدي من صدري لاكن لاحظت ان ولدي عنده نفور من صدري وكل يوم يزيد رغم ان صدري يطلع حليب كثير ماشاء الله فودي اعرف هي مرحله وتعدي ولا ايش لاني تعبت نفسيا ولما يررضع مايطول اشوي ويتركه وهو باقي ماشبع حتى جسمه ضعيف فبدات الان اعطيه رضاعه وكمان هو مايحب حليب الرضاعه لاني ماقد اعطيته الرضاعه من يوم ولدت الا مرات بالعدد ارجوكم ساعدوني
ادري اني طولتها لاكن تحملوني بنتي عمرها ثلاث سنوات وثمانيه شهور وبين يوم وليله عيونها صار فيها حول يجي ويروح فجاه خاصه لما تتفرج التلفزيون وعرضناها اليوم على الدكتور ويقول ان السبب مو التلفزيون هذا يجي فجاه لبعض الاطفال لما يسرحوا او يركزوا على حاجه ويقول لازم نسوي فحص نظر واذا مارضيت تثبت لنا راح ننومها علشان نسوي فحص النظر وانا خايفه عليها لسى صغيره وكمان وراها تنويم ثاني علشان اسنانها وظهر فعينه حمار مع الجنب وتشتكي ان عينها تعورها ايش رايكم كلام الدكتور صح هذا طبيعي او بنت يفيها شئ بليييز اللي عندها خلفيه تطمني
انتظركم
اختكم جوري
