عالم البنات النسائي كل ما يخص المرأة العربية من ازياء وجمال والحياة الزوجية والمطبخ
نترككم مع قصة الفتاة…………!
كنت جالسه اناظر التلفزيون… متابعة مسلسل… وجا مشهد زواج وحدة من الشخص اللي تحبه من زمااااان…
قلبت القناة على قناة Fuziah (لحد يسألني وشي قناة فوزية لووول)…
لقيت عرض ازياء فساتين عرايس… قلبت ولقيت خطوات وضع مكياج العروس… سكرت التلفزيون
التفت على ابوي اللي نسيت تماما انه كان جنبي. .. قال لي ابوي:
خير ان شاء الله يابنتي؟! وايش فيك؟!
انا تلخبطت ساعتها وفتحت له التلفزيون وقعدت ساكتة…
ايه اكيد بسكت وايش اقول؟ اقول له ابغى اتزوج؟؟؟
… اقول له ان صاحباتي اغلبهم تزوجو؟؟؟
ولا اقول له اني تمنيت اكون مكان بنت خالي في زواجها …؟؟؟
وبينما انا غارقة في قاع هذي الأفكار ويرن التلفون ويقطع حبل افكاري… طالع الرقم ابوي وقال رقم غريب… ورد :
-وعليكم السلام….. الله يسلمك….. الحمدلله بخير….. ايه انا ابو نوف …. لا منت غلطان انا هو… من معاي ياخوي ماعرفتك… …. تفضل وايش السالفة اللي تبفاني فيها؟….
لا مو مشغول… لهالدرجة الموضوع مهم؟!… تفضل تكلم…
والتفت ابوي علي وعطاني نظرة غريبة
انا ساعتها قرصني قلبي مو من ردود ابوي بس من نظراته الغريبة
رد ابوي على المتصل: وش فيها غير طيب؟
… لا بس مافيها أي ميزات عن الباقي…
رد ابوي على المتصل: طيب وبعدين… ايوة….طيب وش اسمك الكامل؟…. وش تشتغل بالضبط؟….. طيب من دلك علي وعطاك رقمنا؟….. لا الموضوع يا ابني مو بهالبساطة…. العملية مش بيع وشرى وبس… الواحد لازم يسأل كثير ويحرص قبل يقدم على أي خطوة… لا موضوع انك تجي لبيتنا خليها بعدين…
لين اسأل عن كل صغيرة وكبيرة… لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله
انا كنت اتابع حركات ابوي وانا وطايره من الفرحة…
اخيرا انخطبت وبتزوج مثلي مثلي غيري…
يوووووه أخيرا بلبس فستان ابيض
اخيرا بطلع اجهز واتقضى للزواج… بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة…
يوم قفل الخط ابوي التفت علي وهو مبتسم
ابتسامة تعجب وهو ساكت… قلت:
– هاه يبه؟ متى بيجي يشوفني؟
– مين اهو
– هذا اللي خطبني تو
– ايش؟!
– خطيبي اللي تو
– لا بالله صار خطيبك على طول ماعندك وقت
– ايه بابا ترى احذرك هالمرة لا تخلي العريس يهرب مثل ما هربت ولد خالت امي …
والرسول حث على تزويج من ترضون دينه وخلقه……وكمان الزواج اهم من الدراسة عشان الجنس البشري ماينقرض….
حسيت ان عيون ابوي بتطلع من شدة علامات التعجب
اللي في وجهه بعدين انفجر من الضحك
– هي انتي وين رحتي حدك حدك !!!
– ايش..؟؟؟!
– أي عريس واي هم؟؟!!… انتي تعبانه شكلك؟؟ … هذا مندوب شركة يبي يجي يوريني المكنسة الكهربائية العجيبة على قولته اللي تغسل وتطبخ خخخخخخخ….
قومي نامي يابنتي ولا تكثرين الجلوس قدام التلفزيون…
هههههههههههههههههههه هه…مسكينه يا قلبي عليها…
