عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السـلآم عليكمـ ورحمـه وبركـآته
روايه قريتهـآ بمنتدى وحبيـت آنقلهـآ لكـمـ ..
وهـذي كلمـه الكـآتبـه
:
بع ـد عنـآءٍ طـويـل ومحـآولآت كثيـرهـ ..
وتسـآؤلآت آكثـر .. عـن المـوضـوع والشخصيـآت ..
آستطعـت بفضـل الله تعـآلـى .. آن آكتـب روآيتـي الآولـى ๑♥๑ مابــي غ ــيرهـ ๑♥๑ ..
وكلـي لهفـةً وشـوق لـرؤيـةَ تشجيعكمـ لـي ع تكملتهـآ ..
وآتمنـى مـن كـل قلبـي آشـوف التشجيـع اللـي يفـرح القلـب ..
]|[.. الجـزء الأول ..]|[
بيت ابو عبدالله
قاعده في غرفتها مثل كل يووم بهالوقت .. جدران الغرفه يغطيها اللوون البيج ويدخل فيه اللون العنابي .. وسريرها الكبير اللي يكفي لفردين .. قاعده ع مكتبها ولابسه نظارتها الطبيه وكووب النسكافيه اللي ماتستغني عنه .. مدمنه عليه .. وبايدها كتاب باللغه الانجليزيه ..
:اووووف وبعديين شلوون اقدر اذاكر من هالازعااج ..
طلعت من الغرفه واهي معصبه .. شافت خواتها مع اخوها قاعدين بالصاله اللي فووق .. ويشوفون فلمHigh School Musical .. ومطوليين ع الصووت لاقصى حد ويسمعوون الاغاني ويرددون معاها ..
:بــــــــــــــــــــــــــس وبعدين معاكم الواحد مايقدر يذاكر بهالبيت ..
رحب:يووووووووه .. ازعجنا الدكتوره ساره .. قالتها بسخريه ..
ساره:وانتي يالكبيره وليش ماتروحين تذاكرين احسن من قعدتج اللي مالها معنى ..
رحب:كيفي بقعد .. وبعدين شبي بعوار الراااس .. ابي افهم انتي ماتتعبين ولا تملين من الدراسه 24ساعه وانتي ماسكه الكتاب ..
ساره:ع الاقل انا احسن منج رفعت راس امي وابوي .. وجبت النسبه اللي تعجبهم وترضيهم ..
رحب:وانا الحمدلله ماتهمني النسبه اهم شي اني انجح..مو مثلج ياالدافوره ..
ساره:اقوول رحب مالي خلق للهواش معااج انزلي انتي وخواتج تحت وكملوا الفلم ..
رحب:انا برووح غرفتي وانتي تصرفي مع خواتج..يلا تشااو .. راحت غرفتها واهيا تغني اغنيه من اغاني مطربها المفضل .. “Jesse Mccartney”
Idon`t want another pretty face
Idon`t want just anyone to hold
Idon`t want my love to go to waste
Iwant you and your beautiful soul
ساره:متى تعقل هالبنت وتعرف انها كبيره مو صغيره .. تكلم خواتها .. يلا حبايبي روحوا كملوا الفلم تحت ..
عهد حبيبتي اخذي خواتج تحت .. يلا حبيبتي ..
عهد بهدوء: انشاءالله ..
ساره:اوووف واخييييييييرا .. خليني ارووح قبل لا يمر الوقت ومايمدي اذاكر شي ..
وراحت غرفتها ..
بعد مانزلت عهد خواتها ..
ام عبدالله:شفيكم عهوده ليش نزلتوا تحت ..
عهد:ساره فووق تدرس وخواتي ازعجوها رافعين صووت التلفزيوون وماقدرت تدرس عدل ..
ام عبدالله:وييييييييييه صح .. وين رحبوووه عنكم ..
عهد:كانت قاعده معانا بس جت ساره تناقرووا مثل العاده وراحت غرفتها ..
ام عبدالله:الله يهديكم من بنات .. يمه عهوده شغلي الشريط مادري شسمه هذا اللي يتناقزوون ويرقصوون ..
عهد:ههههههههههههههههههههه يمه الله يهديج اسمهhigh school musical ..
ام عبدالله:اللي اهو .. شغليه ونادي الخدامه تقعد عندهم وانتي روحي شوفي درووسج ..
عهد: انشاءالله يمه ..
[عايله ابو عبدالله(سعـد)ام عبدالله(غنيمه) .. عندهم 5 بنات وولد .. ساره21 سنه بالجامعه تدرس طب .. رحب17اخر سنه لها بالثانويه ادبي .. عهد15 سنه .. عبدالله 12سنه .. رغد 5سنوات .. غلا 4سنين]
//
//
{يــاغايـب ..
………متــى تعــود ..
:وربــي تعبت وانا انتظر .. ياخي اخووج هذا مايحس .. تعبت ياريماس وربي تعبت .. وقعدت تبجي ..
ريماس:بــس ياقلبي ادري انه غلط بس اصبري ان الله مع الصابرين لا تياسين .. مثل ماصبرتي كل هالسنين اصبري كم شهر بعد ..
هنــد:بصبر وامري لله .. متى قالج بيرد ..
ريماس:امممممممم .. تقريبا شهرين ولااقل .. ع كلامه لامي ..
هند:الله يرده بالسلامه ..
ريماس:آميين .. يلا هنوو انا اخليج الحين امي تناديني ..
هند:الله وياج حبيبتي .. بااي ..
ريماس:بااي ..
بعد مع سكرت من بنت عمها وصديقتها ..
ريماس:الله يعينج يابنت عمي الله يعطيج ع قد نيتج انشاءالله .. وتسمع امها تناديها مره ثانيه .. انشاءالله يمــــه ..
ام سلطان:وينج يمه كل هذا وانا اناديج ..
ريماس:كنت اكلم هند بنت عمي ..
ام سلطان بحزن:آآه .. كاسره خاطري هالبنت مادري اخووج ليش يسوي فيها جذي ..
ريماس:يمه هدي .. انشاءالله مع الايام بنعرف كل شي بس انتي هدي ..
ام سلطان:لاحول ولاقوه الا بالله العلي العظيم .. رووحي نادي اخوانج وخواتج ينزلوون تحت يقعدوون .. موكل بغرفهم ..
ريماس تبووس راس امها:انشاءالله الغاليه ماطلبتي شي الحين اجيبهم لج ورجولهم فووق راسهم .. وتبتسم لامها ..
ام سلطان:الله يوفقج يابنتي دنيا وآخره ..
بعد ماصعدت الدرج .. وقفت عند غرفه اخوها جراح ..
ريماس:جرااح .. جراحوووووه ..
جراح يكلم التلفوون:لحظه حياتي اشووف من عند الباب ..
:اووكي قلبي انا بخليك الحيين .. تامر ع شي ..
جراح:سلامت قلبج ياقلبي ..
قالت بخجل:تسلم لي ياقلبي .. يلا بااي ..
جراح:بااي ..
بعد مافتح الباب
ريماس:سااعه تفتح الباب ..
جراح:مالج شغل .. الحيين انتي شتبين ليش جايه ..
ريماس:امي تقوول انزل تحت .. اقعد معاها .. وتكمل طريقها لغرف اخوانها .. انزل لا ترد تكلم التلفوون ..
جراح:يمممممممممه منج شدراج اني اكلم التلفوون ..
ريماس:ههههههههههههه ادري ع بالك صدقت انك نايم .. وراحت وتركته ..
جراح:الله يوفقج يااختي يانوور البيت كله .. دخل غرفته يلبس وينزل عند امه ..
ريماس بعد ماوصلت غرفة اخوها سعد ..
ريماس:اوووف .. عاد هذا شيقعده .. الله يعيني بس ..
ريماس تدق الباب:سعد .. سعودي يلا افتح الباب ..
وطبعا لا حياه لمن تنادي ..
ريماس:وبعدين مع هالخفااش .. طوول الليل قاعد والصبح نايم .. والله زين منه يرووح الجامعه بس ..
:شفييج تكلميين نفسج ..
ريماس:اخووج هذا اللي اكلمه الطوفه ع الاقل تحس هذا مايحس ..
اماني:ههههههههههههههه .. الله يهديج يارمووس يعني هذا اخووج من يووم كان صغير وهذا طبعه .. نطري اجيب السبير لغرفته ..
ريماس:زين ماتسوين .. وقعدي معالي معااج ..
اماني:انشاءالله ..
بعد دقايق جت اماني ومعاها المفتاح ..
اماني:تفضلي ..
ريماس:دام فضلج حبيبتي .. انا بقعد اخووج وانتي روحي لخواتج ..
اماني بدلع واهيا تاشرلها:اووكي يلا تشاااو ..
ريماس:تشااو ..
بعد مادخلت الغرفه ..
ريماس:يمـــــــه برد .. هذا شلوون يقعد بالبرد هذ ا.. حشى قاعدين بالاسكيمو .. تقرب من السرير ..
ريماس واهي تسحب الفراش علشان يحس:يلا سعد يلا قوووووووووم .. العصر اذن من زمااان وانت لي الحين ماقعدت ..
سعـد واخيرا حس باللي حوله:رموووس عفيه خليني اكمل نومي ..
ريماس:نونونونو حبيبي تقووم يعني تقووم ..
سعد:اوووووووووف انزين .. ويحك عيونه والنووم مسيطر عليه ..
ريماس تمسكه من ايده وتدخله الحمااام:يلا بلا كسل ..
واخيييييييرا استجاب الاستاذ للنداء ودخل الحمام ..
ريماس:واخييييرا .. مو نووم اللي عليه .. نووم اصحاب الكهف وربي ..
عند اماني بعد ماراحت من ريماس .. دخلت غرفه اختها اريج ..
اماني بهدوء ونعومه واهيا تكلم اختها الصغيره:اريج .. جوجو حبيبتي يلا قومي كافي نووم ..
تقلبت اريج للجهه الثانيه ..
اماني:يلا جوجو الاذان اذن قوومي صلي ..
اريج:انشاءالله .. الحين بقووووم ..
اماني:حبيبتي انتي .. لا تردين تناميين ..
اريج واهيا ترووح لجهة الحمام:اووكي ..
اماني:بعد ماتخلصين صلاة نزلي لامي تحت .. وانا برووح لاختج الله يعيني عليها ..
طلعت من غرفه اريج وراحت لغرفه معالي اللي قدام غرفه اريج ..
اماني:معالي .. معاليووووووه يلا قوومي .. وتدق الباب بقوووه لانه تدري اختها مايقعدها الا هذي الطريقه ..
وقفت ايدها بعد مافتحت معالي الباب
معالي:خيييير شعندج .. ازعجتيني ..
اماني:وانتي كل ماقعدتي لازم النفسيه شيته .. المهم نزلي تحت امي تنطرنا ..
معالي:انزين ..
[ابوسلطان(راشد)ام سلطان(عواطف)..عندهم 3 اولاد و4 بنات .. سلطان 27سنه يدرس بامريكا .. جراح24 سنه يشتغل مهندس بشركه البترول .. ريماس22سنه متخرجه من الجامعه ولي الحين ماتشتغل .. سعد 21 سنه بالجامعه يدرس بكليه العلوم الاداريه .. معالي واماني توام اعمارهم 17 سنه اخر سنه ثانويه معالي ادبي واماني علمي .. اريج اخر العنقود عمرها 10 سنين ..]
//
//
{انــا اللي خانته
…… “الايام“..
بعــد ما سكرت التلفون من بنت عمرها .. دموعها بدت تشق طريقها ع خدودها .. دمووع تشكي عن حالها بعد مافارقها الحبيب .. بعــد فراق قلبه عن قلبها بعــد فراق روحه عن روحها ..
هنــد:ياربي انا تعبت من هالحاله مااقدر انسى اللي صار .. 3 سنيين ولا قدرت تنسيني اللي صار .. يارب عوونك ..
طــق .. طــق .. طــق
صــوت الباب اخرجها من قوقعتها اللي تمليها الذكريات ..
حاولت تبين صوتها ورفعت ع كثر ماتقدر:منــو ..
:انا تاني .. بابا يقوول انزلي تحت ..
هند:اووكي .. الحين بنزل ..
تاني:اووكي ميــس ..
هنــد:ياربي شلوون انزل اكييد ابووي بيحس فيني .. دخلت الحمام وغسلت وجههاا .. بعد ماطلعت من الحمام وقفت قدام المنظره حاولت تخفي ملامحها الحزينه بالمكياج الخفيف .. لانها ماتحب تكثر من المكياج .. حطتلها مسكرا وكحل وقلووس بينك فاتح ع شفايفها تبرز نعومه شفايفها الكبيره شوي وتجذب اللي حواليها ..
نزلت من الاصنصير .. بعد ماانفتح الباب شافت ابوها وامها واخوانها واختها .. الكل قاعد وصوت ضحكتهم تووصل لبيوت الجيران ..
هنــد بعد ماقربت منهم:عساها دووم هالضحكه .. ضحكوني معاكم ..
ابو جاسم:تعالي حبيبتي قعدي يمي ..
قعدت هند يم ابوها ..
هند:يلا قولولي شنو كنتو تضحكوون عليه ..
جاسم:هذا الله يسلمج اخووج الكبير اللي اهوا انا .. احــم احــم ..
ريتاج:اوووف بدا الاخ .. انزين كمل بلا مقدمات ..
جاسم::انتي شتبين الحين انا قاعد اكلم هند انتي شكوو ..
ربتاج واهي تحط ايدها ع فمها:خلاص ها سكرت حلجي ..
جاسم: أي شاطره .. المهم نرجع لمحور حديثنا .. اليووم الله يسلمج بالشغل ياني خذيت زفه بس طبعا تعرفين رووح اخوج المرحه قعدت اضحك والمدير يزف وانقهر المدير وخصم من راتبي ..
هنــد تضحك ع خبال اخوها اللي لي الحين عليه:هههههههههههههههههه .. والمدير مايزفك الا انته مسوي شي ..
جاسم:بس زفني لاني حاط رجولي ع الطاوله وقاعد اتكلم بالتلفون بصوت عالي .. دخل علي ويعطيني من الحجي اللي يعجبج ..
ام جاسم:ههههههههههههه الله يهديك ياوليدي وهذي سوات تسويها .. منو كنت تكلم بالتلفوون ..
جاسم:كنت اكلم طلال ..
طلال:ههههههههههههههههههههههههههههههههههههههههههه .. وانا اقوول شنو هالصوت اللي سمعته .. طلع صووت الباب .. بس والله خفت و انت شلون ماخفت ..
جاسم:اكييد بخااف ولا واحد داخل علي وانا عايش جو وانا اكلم اخووي .. ولد عمي جراح حاول بالمدير انه يسامحني بس مارضى .. بس تصدقون احس المدير يغاار مني ..
ابووجاسم اللي ماات من الضحك:هههههههههههههههههههههههههههههههههههههههههههه هههه .. وليش يغار منك رجال كبيير والشيب براسه ..
جاسم:هذا انت قلتها الشيب براسه اكييد غار مني لاني توني شباب وشعري ناعم وحلو ..
الكل يكمل عنه:وطويل واحلى من شعورنا ..
جاسم:ههههههههههههه .. ماشاءالله عليكم حافظين ..
طلال:قوول زهقنا واحنا نسمع هالسوناريو ..
[ابو جاسم(حمد)ام جاسم(شيخه) .. عندهم ولدين وبنتين .. جاسم 24سنه يشتغل مهندس بشركه البترول مع جراح ولد عمه .. هند 22سنه خلصت من الجامعه وقاعده بالبيت مثل بنت عمها ريماس .. طلال21سنه يدرس بالجامعه هندسه معماريه .. ريتاج اخر العنقود 15 سنه مع عهد بالصف ..]
//
//
[.. العوايل الثلاثه كلهم بيوتهم يم بعض لانه عبدالله”الجد”يبي عياله يكونون حواليه .. وطريقه ترتيب البيوت .. بيت الجد ويمه بيت ولده الكبير”راشد”وقدام بيت راشد بيت اخوه”حمد”وقدام بيت الجد بيت ولده الاصغر”سعد” ..]
اليوم الثاني ..
بامريكــا بالتحديد مدينة كامبردج بولاية ماساتشوستس اللي تقع فيها جامعه هارفارد .. هي أقدم وأعرق الجامعات الأمريكية على الإطلاق و أحد أقدم جامعات العالم ..
قاعد بكافتيريا الجامعه يحاول يقرا له كم كلمه قبل لا يدخل المحاضر .. قرب من عنده رفيجه السعودي”بندر”
بندر:صباح الخير حضرت المحامي سلطان ..
سلطان بابتسامه:صباح النور ..
بندر:وين الربع .. ماشفتهم اليووم ..
سلطان:انطر انت توك جاي اصبر شوي ..
بندر:انا جوعان .. تبغى اجيب لك حاجه ..
سلطان:كرواسان مع نسكافيه .. ولا عليك امر ..
بندر:تامر امر .. كم سللطان عندنا ..
سلطان:تسلم ياخووي .. ماقصرت ..
بندر:ولو ماسوينا شي .. يلا عن اذنك ..
سلطان:اذنك معاك ..
{..يـآ ليـت ربـي مـآ خلـق حـب وفـرآق وإلا خلـق حـب علـىـآ غيــر فرقــآ..~..
سمع صووت ينادي لاسم حبيبته اللي خانته .. حبيبته اللي حطمت قلبه .. وقتلت روحه ..
:هنـــــد نطري شوي ..
سلطان:آآآآآآآآآه ياهند قربج وبعادج عني عذااااااااب ..
شاف ربعه قريب منه .. عدل جلسته .. وعيونه ع الكتاب وكل اللي يشوفه صورتها اللي مافارقه من 3 سنين ..
:
هـذآ البـآرت الآول .. وتقريبـآ كـل البـآرت بـس تعريـف عـن الشخصيـآت .. لـي الحيـن مـآدخلنـآ بالعميـق .. 💡
وبنـزل البـآرت الثـآنـي .. إذآ شفـت التفـآعـل ..
😥
تحيـآتـي للكـل .. 😡 ..
:
بنـزل البـآرت الثـآنـي إذآشفـت تفـآعلكـمـ مـع الـروآيـه ..
:
👿
