يا شركة فيديكس إتقي شر الحليم إذا غضب حسبي الله ونعم الوكيييييييييييييل

..
..
..
..
..
..
..
..
..

أنا كان ودي أكتب عن هذه الشركة السيئة الإدارة منذ فترة كما هددتهم ولكن قلت أصبر أشوف آخرتها معاهم ….

تصوروا هاذي ثالث مشكلة يسوونها هالشركة ( فيديكس ) خلال شهر وإسبوع … وقلت شهر لأن المشكلة الأولى لحالها خذت تقريبا شهر …. وفورا مشكلة ثانية خذت أكثر من إسبوع واليوم ثالث مشكلة …

حرااااااااااااااااااااااام هاذي الشركة عالمية حتى بالأفلام الأجنبية العالمية نشوف إسمها ليش بالسعودية خدماتهم بهالشكل ؟؟ ليش ؟؟

يعني الموضفين يغلطون وآخرتها يحطون اللوم على المرسل .. حسبي الله ونعم الوكيل إتقوا دعوة المظلووووووم …

المشكلة الأولى بضاعة لازم يرسلونها للرس … وبعد أن إستغربنا ليش تأخرت وعطيناهم رقم الفاتورة طلعوا مرسلينها إلى عرعر ,, سلاماااااااات !!!!!

طيب خلاص خطأ منكم يالله ننتظر ترسلونها للرس ,,,, وننتظر يوم يومين ونتصل يقولون خلاص تحركت من عرعر وبتوصل للرس بعد بكرة,,, وننتظرررررر … نتصل بعد يومين يقولون مازالت بعرعر ,,, طيب ليش ما أرسلتوها … يقولون للمستلم كلم المرسل ,,, خييييييييييييير ليش أنا اللي أرسلتها لعرعر ؟؟؟ وين عرعر أصلا أنا بحرينية شدراني بعرعر يا أفاقين

وإسألوا الزباين المنطقة أكتبها والجوال بالخط العريض على الكارتون يعني لو بالغلط راحت زيمبابوي راح يعرفون وجهتها وماراح تضيع ,,,,

وأرجع أنا إتصالات وزوجي يروح يتهاوش معاهم ووعود كاذبة …. ظلينا على هالحال وعود وكذب أكثر من 3 أسابيع …وههددتهم لو ما أرسلتوا الطلب لحد الباب ورجعتوا قيمة التوصيل للمستلم راح أفضحكم … طبعا لاحياة لمن تنادي … وآخرتها بعد كل هالمعاناة تعتقدون يافيدكس تستحقون 65 ريال قيمة خدمة التوصيل اللي المفروض توصل بيومين؟؟؟؟ لا وبعد الغلط منكم

ووحدة قالت تبي فيديكس قلت لها صراحة هم راعيين مشاكل وما عندهم إلتزام قالت لا عادي أنا متعودة يوصولون لي للبيت !!! وللأسف لوعوا كبدها وجننوني ووصلت طلبيتها بعد إسبوع وكل يوم خلال هالإسبوع تعطيهم رقم الفاتورة وما يعطونها البضاعة ,,,, وتضرب مشاوير … وين اللي يوصل للبيت ؟؟؟؟؟

عندي فاتورة بتاريخ 2 _ فبراير يعني قبل 6 أيام للخرج ,,, وتوهم مسلمين البضاعة ياترى ليش ..؟؟

لأنهم طوال الفترة السابقة يتصلون على رقم خطأ …… ومن ضمن البضاعة شي لازم بالثلاجة خلال يومين …

ويقولون للمستلم إني أنا عطيتهم رقم خطأ ….

حسسسسسسسسسسسسبي الله ونعم الوكيل

الرقم مكتوب عندي بالفاتورة صحيح … ومكتوب على الكارتون صحيح ….كل شي يحطون اللوم على المرسل ليشششششششش ؟؟

سوء إدارة سوء معاملة سوء تنظيم … بنغالية وهنود وجنسيات غريبة ولا يفهمون شي ….

لا ويقولون في الرقم المباشر (( سيتم تسجيل المكالمة لخدمة أفضل )) … أقول لا يكثرررررررررر

أي خدمة وأي خرابيط ولا ينفع التسجيل بيزة وحدة ولا له أي معنى وكل شوي يطلع موظف ما يعرف راسه من رجله ويحولك على موظف ثاني ,,,

وفي بنات الله يهديهم في آخر الدنيا ,,, ويسلمون شركة الصاعدي 25 ريال ويتصلون ليش ما قلتي ؟؟؟

يعني الحمدلله أنا بالشرقية ووصلولك بضاعة وانتي وين قريب اليمن ومحتجة على 25 ريال .. ؟؟

وفيديكس ياخذون 65 و75 أحيانا وخدمة مثل وجه موضفينهم …

أنا بالثقبة أحيانا أطلب شي من الخبر أسلم المندوب 25 ريال والفرق ربع ساعة بس …

يعني الصاعدي أو زاجل الشهادة لله يمكن 2 من ال1000 لما تشوفين مشكلة بسيطة ويحلونها لك بسرعة وما يحطون اللوم على المرسل ….

الله يوفق كل موظف يشتغل بإخلاص ويستلم معاش حلال

صراحة فيديكس السعودية عار على جبين الشركة …

وطبعا غير مشكلة ثانية سووها على طلبية أنا باستلمها منهم … ولكن أكتفي بهذا القدر …

وعلى فكرة يا بنات أي بضاعة أكتب قيمتها من غير الشحن .. يعني مو معقول أكتب حق اللي في جدة سعر الزيت 165 والرياض سعر الزيت 160… و250 سعر الزيت بارامكس وسعره 225 على ألما إكسبريس !!!!!!

يعني لا تجي وحدة تحاسبني تقول وي ليش ما قلتي إن سعر الزيت 150 بدون الشحن … يعني بالعقل !!!!!!!!!

وسامحوني على الإطالة