عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام بنات
مو عارفه شقول بس حاسه بجبال على صدري احس كارهه كل شي حتى الفرح مو لاقيه له مكان في حياتي
انا احاول بالي اقدر عليه ارضي ربي
بس مو عارفه ربي راضي عني ولا لا
هل الهموم والمشاكل والمصايب الي تصير لي لان ربي مو راضي علي
بس بجد المشاكل كل مالها تزيد ونفسيتي تعبت خلاص
لدرجه افكر هل ربي غضبان مني
كثير اشياء كنت اسويها تركتها لله
بس فيه ذنوب ماملكها زي الغيره والحسد وسوء الظن بالناس والغيبه مو عارفه كيف اتركها
تعبت
مع اني عارفه ان الله كريم وبيفرجها علي
بس خلاص وربي تعبت ابي افرح في حياتي
لما افكر في الامور بتفكير بشري عقلاني اقول مستتتتتتتتتتتتتتتتحيل يصير الي اتمناه لانه مستحيل
بس ارجع اقول مافي شي مستحيل على ربي
احس كلامي حتى متناقض نفسيتي تعبانه
ودي بوظيفه حكوميه رسميه تغنيني عن الحاجه وتكون لي امان من السؤال
واتمنى ربي يرزقني بالزوج الصالح الي يسعدني ويدلعني ويعوضني عن التعب والقهر الي شفته من اهلي
بس للحين اختي الي اكبر مني مو متزوجه واحنا ماحد يعرفنا يعني لما اقول شلون بنتزوج ومافي حد يعرفنا
ياربي وربي خلاص تعباااااااانه ابي افرح في حياتي
لاتنسوني من دعوه صادقه بظهر الغيب في اخر ساعه من يوم الجمعه
